هنا

[فقار الكرخي]

وينك يالگِلت شيّال همّي
ودمّك يا عزيز الروح دمّي ..
اريدَنّك تجيني الليله يمّي
وتبچي اعليّه بچي الجابته امّي



ردتك يا عزيز الروح جنّاز
تزيد الچفن من ثوبك لَوَن عاز
وتنوح انياح ثكلى بموت الاعزاز
صعبه الخوّه بالهجران تنجاز



تحضرني گبل ما موت اريدك
واريد تراب گبري تهيله بيدك
لاتنسى الجره دمّه بوريدك
صعب موت العزيز يصير عيدك



يا ابن امي الاخو عازته عازه
من غيره تظل وحشه الجنازه
تعال وصير بجروحي گزازه
ماگول احاه يالعازتك عازه



يابن امي الاخو للاخو هيبه
بلمنازع شما يطلب يجيبه
ما ينكر ابد طاهر حليبه
ولاظن المحب ينكر حبيبه



اريدك تبچي بچي الفاگده احباب
يالعينك نهر والدمع خنياب
وتذب روحك چتل يم عتبة الباب
وتَخَليها تنوح اصحاب واجناب



صح انته العزيز الماكو منه
و نارك ياعزيز الروح جنّه
بس ماريد احس دمعتك مِنّه
ترضاها العزيز يخيب ظنّه ...؟



يا ابن أمي الاخو ينراد له اخوان
يچسونه الزمن لو چان عريان
ويصيروله دول بلدان واوطان
وال ماجه بفرح .. اتجيبه الاحزان



يا ابن امي الاخو مو چلمه تنگال
يحط روحه درع ويناطح اجبال
من يعدل حملها الروح لو مال ... ؟
تعال وشوف حالي بهالزمن حال







خالد العامري

[حہيہدر الہبغہداديہ]

عاشت الايادي دوم التالق
تحياتي

[داوود سالم]

جميل

[فتاة الهدئ]

يا خوي٠

[خالد بصراوي]

عاشت الايادي دوم التالق
تحياتي

جا خوية عاشت ايدك على نشر كلش حلو وعلي ستمر بل نشر يلعزيز أنتة