هنا

[*RÂყÂм*]

قصيدة : سفينة للنجاة حسين
للشاعر : عمار هليل الواسطي
المناسبة : ليلة 19 محرم 1441 هـ
حسينية الحاج داوود العاشور البصرة ابو الخصيب
طور : #شوط_كربلائي


سفينه للنجاةْ حسين
عشناها وعرفناها
سفينه وهيّه بسم الله
مَجراها ومُرساها
+++++++++++++

يهنياله النذر عمره
للخدمه الحسينيه
يحضر مأتم الأطياب
يلطم صدره ليليه
آه يحسين وامصابه
نشيد الروحه ثوريه
عرفناها ونأكد زين
ربّان السفينه حسين
هاي النعمه تحصل وين
بس بمملكة خدام
أبو الأكبر لگيناها
++++++++++++++
نبحر والسفينه حسين
وشراع الوفه عباس
واليعتقد يمنعنه
نعوفه وما نِشِدْلَه الراس
والينقد نقد هدّام
هذا إموالف الوسواس
أبو الأكبر مُعلّمنا
على الأخلاق علّمنا
نوالم من يوالمنا
وإحنه لأجل حب حسين
مهجتنا فديناها
++++++++++++++++
شنو يضرهم إذا كل شاب
يتعلق بأبو السجاد
يتأثر ابأحزانه
ويظل اوياه على الميعاد
شعجب بس بشهر عاشور
تصعد نبرة النقّاد
حسين يعرف كل رَبعه
يدريهم أهل دمعه
والمخلص تره يرفعه
حسينيتنا صارت بيت
اعله حب الله دخلناها
++++++++++++++
صارت هالمجالس هاي
گلب الخادم ونبضه
وإحنه بكل مسه ندعي
علينا أم الحسن ترضه
فرض عشاگ خدمتنه
وكل عاشگ فهم فرضه
منعوف اللطم والنوح
فدوه نصير للمذبوح
مجالسنا زكاة الروح
نياشين اللطم هيبه
اعله صدر العرف معناها
+++++++++++++++
دايم هالعزاء يصير
إلى أن نستعيد الثار
من يظهر أبو صالح
وياخذ ثار أبو الأحرار
لا شك تعزيه لحسين
يقيم ويذرف الأعبار
يتلگّه اليواسونه
ويفخر بالينصرونه
يكحل بيهم اعيونه
شعائرنه تظل للموت
ونتشرّف خدمناها


&&&&&&&&&&&&&&&&

[ৡ⚘أೂـيـر ألـنـ੭ــل⚘ৡ]

الُـسِـلُامٌ ْعـلُيَـكِ يَـاابّـاْعـبّـدِالُلُُه الُـحُـسِيَـنَ ( ْع)


شكراااا لك