هنا

[*RÂყÂм*]

قصيدة : انه أول من عاشت
للشاعر : ايهاب المالكي
ليلة 20 محرم 1441 هـ
حسينية داوود العاشور

أنه أول من عاشت كسر الخاطر
أنه أخت المذبوح الظل متناثر
يوم العاشر ... رضه الحافر
**********************
جنت أعاين إله ... بنظرته تحيرت
من يصدله السهم ... للنهر يلتفت
بعيني كل ما تهل ... دمعتي تذكرت
وابدي اشوف النبض ... وشعجب ما متت
كل عمري حسّيته تموت أيامه
من شفت من حسين تطيح عمامه
صدره الطاهر ... رضه الحافر
************************
أمشي درب السبي ... وكل نفس بي جرح
بعيني يترك أثر ... خيطه صوم الصبح
من يعاين طفل .... للرأس عالرمح
بأذني يهمس طلب ... عمه أريد أنذبح
من نحره ترجيت بعينِ التهمل
عالرمح أتُرك راسي وأرتاح إنزل
دمعي الحاير ... رضه الحافر
**************************
انه بنت العفه ... وأكتفه من أنتصر
عالخصم لو گدر ... رحمته تظل أثر
ما قسه ولا غزه ... ولا سبه ولا غدر
قد فزت سبقته ... كلمته من أنطبر
موجود تمنيته كافل حاصل
ويرد بفقاره أهل الباطل
السبط الآخر ... رضه الحافر
************************
عالرباب ألتفت ... گلبي ما يحتمل
بيها جمر الحزن ...ينطفي ويشتعل
حسبّت لا يفز ... من منامه الطفل
غطته من الشمس ... والدمع فوگه ظل
عالمهد تلوليله يبني الغالي
وتصد على فراشه تلگاه خالي
لو ما حاضر ... رضه الحافر
**********************
الضعن من سره ... بي ملامح نعش
كلشي بي للحزن ... والفكد والعطش
والطريق بالسماء ... للرجال انرفش
عن يقين منعصم ... اكثر من اثنطعش
من الباري كنيتنه بيت الرحمه
اهل الكون وخلقه انطانه العصمه
اليشهد باجر ... رضه الحافر
***********************
وين أبوي هالسؤال ... من رقية بعتب
ما گلت عالثره ... عاري هدمه انسلب
أشرَت ع الرمح ... ما حچتلي السبب
ستدركت ! عمه وين ... ما يجيني شعجب
ما تدري بوالدها وقصة نحره
والخيل العوجاء السحگت صدره
بقلة ناصر ... رضه الحافر
*************************
من أسل معتقي ... بنت خير الرسل
بالثگال عالجبال ... جدي شال الحمل
بالسياط أنضرب ... والدمع من يهل
انهظم وانتخي ... خويه يا ابو الفضل
والنبلة الي بعينه الحر يشعلها
والگاع نحس بيها ترتج كلها
غضبة ثائر ... رضه الحافر
************************
ما نسيت ذكريات ... باقي بيها الألم
أركض على الصغار ... تحترگ بالخيم
من تجرأ الشمر ....بالفرس عالحرم
من صرخ مبتسم ... وينه راعي العلم
من شفت مصلاة حسين الخضره
والريح التأخذها الكلب الصحره
الفرضه تناطر ... رضه الحافر

*************************

[هيڤين' ♬✿]

تسلمين

[tahseen alswad]

احسنتــــي

[انثى مخمليةة]

حلووه

يسلموو

[*RÂყÂм*]

تسلمين

حلووه

يسلموو

شكرا لحضوركم