من المشرفين القدامى
امنيات *
تاريخ التسجيل: April-2016
الدولة: تحت قبة اميري علي (ع )
الجنس: أنثى
المشاركات: 6,219 المواضيع: 1,261
صوتيات:
313
سوالف عراقية:
0
مزاجي: ابتسم للحياة
المهنة: طالبه جامعيه ..
موبايلي: هواوي
آخر نشاط: 9/October/2023
قصيدة( طفلة واسيره وحيل مابيه) باسم. الكربلائي - محرم 1441هـ - مكتوبة
قصيدة :طفله واسيره وحيل مابيه
للشاعر:علي سعيد الطائي
المناسبة :ليلة 19 محرم ١٤٤١هـ
المكان:حسينية داوود العاشور البصرة
طور المستهل: صاح الحسن جنازة غريبة
طـفله واسيره وحـيل ما بيه
يا طيف ابويه استعجل شويه
***********************
يا طيف اخذني وياك للغالي
غير المنيه ما اجه بالي
گبالي اشوفه والرمح عالي
شلون اوصل وبالگيد مسبيه
**********************
درب السبي يا طيف اذاني
ونار البعد مو جمر چواني
يا سوط اشگفه اتلاحگ الثاني
ومن اذني سلبو اغلى ترچيه
***********************
امشي وشفت تتعثر جدامي
بعيني اصد راس الرمح ضامي
بس انت عندي وضاعت احلامي
اتنطرك من اغفه ليليه
*******************
حر السموم يذبل الورده
بس آنه من الطف بقت عنده
يا ساعة تلفي طالت المده
عندي جسد والروح ما هيه
*********************
صار الدرب بعيونه شطوله
احنه اعله هزل هاي معقوله
صارت كفيله الگبل مكفوله
وگعدت تداوي جروح رجليه
***********************
زينب تغطيني بعبايتها
ما حس تخليني بمصيبتها
ارتاح اشمن عطر شيلتها
فوگ المصيبه تصبر عليه
********************
سور الصبر مسدوده بيبانه
گيد وسبي والروح عطشانه
نمشي ومحمد يمشي ويانه
والراضيه وعد الله مرضيه
*********************
آخر كلامي وياك بس هايه
طفله وصف للموت شرايه
من عگب ابويه وحامل الرايه
شط الامان انخبط صافيه
*********************
رد مع اقتباس
المشاركة الأصلية كتبت بواسطة هيڤين
