آاااه . ياشايل علمنـه
آاااه . لعيونك عطشنـه
ياعباس .. ياعباس
____________________________
معقوله طحت كلك يعباس
ياهو اليقنع من ننگله طايح
طايح مارضه يگلنه الحسين
بس من كـض صفحته صار واضح
بكثر مافزعت من انوله حسين
ياعباس صوت حسين رايح
رد ماينعرف من عندك حسين
ابوجه حسين ماظلت ملامح
حسين . من رد ماعرفته
يگوم . ويطيح انه شفته
ياعباس .. ياعباس
____________________________
حسين ابيا وگت ماتگدر اتگوم
گتله وگال راح الحيل مني
خويه اوداعـتچ تيهت الخيام
يطيحني الهوه ظل من يطگني
اسم الله گتله اعليك ياخوي
بعد اختك تره گلبي وجعني
گلي اشيوجعـك يوجعني عباس
زينب حظنـة امـوادع حظني
آااااه . يا زينب كفيلچ
اليوم . للهم شدي حيلچ
ياعباس .. ياعباس
____________________________
گتله طاح يعني وگال اي طاح
في راسچ يزينب راح گلي
طيحة خيمتك مدري السمه حسين
ياعباس يچتافات حملي
رحت انته وبعد ساعات الحسين
هم يروح ياهو يردني لهلي
علي لحگن صحت يالهاشميات
اخوتي من ايدي راحوا ياهو ظلي
اشلـون .. لو هدوا علينه
انلـوذ . ياخويه ابعبينه
ياعباس .. ياعباس
____________________________
يزينب خلي عينچ عالنساوين
اذا صارت علي شفتيها لمه
ابنصهم راح اطيح اوعينـچ اتشوف
زلمه ايـهد علـي والماهو زلمه
بعبيهن خل يلوذن من تجي الخيل
هذوله اگلوبهم مابيها رحمه
اذا ظليتي وحدچ صيري عباس
عسه عيـون التصدلچ كون تعمه
الليل . لو چلچل عليچن
خيام . سونهن عبيچن
ياعباس .. ياعباس
____________________________
خويه عذري اخوتچ من تـجي النوگ
ويگلـلچ خواتچ رچبينه
واحنه ابليه روس انگوم وانـطيح
إذا مـروچ يازينـب علينه
إذا شفتي الرماح اينگطن ماي
منچ يعني يـ أم عون استحينه
يم النهر لومريتي يم عون
نزلي اعله ابوفاضل مسحي عينه
وياچ . راسه يروح اخيچ
اعليه . خاف احد يسألچ
__________________________
كلمات واداء : مرتضى حرب
__________________________
تحميلmp3
رد مع اقتباس
المشاركة الأصلية كتبت بواسطة فقار الكرخي
