هنا

[الشاعر هاني حماده]

يل مشيتوا الكربله دعواكم
الله ومحمد وعلي وياكم
***
يل هجرتوا بيوتكم عفتوا الأهل
وعفتوا كل غالي ومشيتوا بلا وجل
ما حسبتوا حساب ساعات الأجل
الباري يعلم جوهرة منواكم
***
جوهرة منواكم بشهر الحرام
بالدمع تمشون لزيارة إمام
وهل الزياره حجه وتغيض الآم
الله شاهدها وبعد يرعاكم
***
بعد الكم اجر مضمون ورفيع
شاهد بيوم القيامه ما يضيع
هل الأجر بكتاب عبدالله الرضيع
شمعه ويضوي بدرب ممشاكم
***
كل درب تمشون من ليل ونهار
لا عطش لا جوع صدكم لا مرار
الخطوه محسوبه بألف يم المزار
وچم مزار بكربله تلگاكم
***
كربله بيها أهل بيت النبي
وكل مزار البيها صوت المذهبي
بيها شامخ صار تل الزينبي
يمه لو تمشون نترجاكم
***
لو مشيتوا بكربله بالأربعين
ورايه بيديكم ترف بالخافقين
بالنيابه ادعولنه عند الحسين
وزورو عباس الگمر مولاكم
***
هاني حماده البلداوي
7\ ذو الحجه \ 1440

[Scrap]

مأجور شاعرنا
احسنت

[مِـيهہرَمــآهہ ♬✿]

مأجور اخي

[فقار الكرخي]

احسنت

[ضياء المالكي]

وفقك الله لكل خير