خلّيتك ابگلبي جرح
خلّيتك ابگلبي جرح
.
يتعافه لو جسّه الملح
ونته يامشمش اشمرّك...؟
ليش منشارك عِمَه ..
ولابطّلت بيّه الذبح.....؟
وصّار... ياشذر البتوت....!!
الليل مايلگط سواده
اشما يكحّل بالصبح ....
يمخوصر ابنسمة غوه
ويا ماي مطشوش بسطح
ياطعم حِصرم مو عنب
وشلون بيّه من اشتهي
ومثل التنسَّت من تِلح
چاليش ...
تتغاوه اعله مامش
لايباشه...
الناس مو عندك فلح ..
طشّيته الك طش الخرز
عمري الخسرته....
وچنت اظن كلّك ربح
فرغن فراگينه وخِفِت
باخر محطه ينفضح
ودريك مُر ماتنعسل....
ممذور طبعك مو سمح
كاظم_العطشان
رد مع اقتباس
