يالتنعس المغرب كون
نحط يمك ام سبع عيون
خاف تحسدك الوادم

يبعد وجوهنه انتَ تعيش
واحنه نموت
ماطول الضحك بشفايفك سالم

يالمغزر بذاك الصوب
من طگهم جفاف الوان
( يالمخليني اجيك اضحك وارد زعلان )

يالعطرك يدليني امن اتيّهنك
هلي گالولي بس بالجنة حوريات
عوف فلان
مايدرون احبنك !!

مايدرون هاي سنين وانتَ بعيني ضّي شمعه
وحگ طولك محال أطيح
چن گطرات ماي بعين واحد يكره الدمعة

يلو بيدي لفصل ضحكتك واهس لديرتنه اللفاهه الهم
يسبحان الخلق روحك من الوردات لو تنباس لو تنشم







كريم البغدادي