ماخَلقتُ الجنَ والإنس . إلا ليعبدون
ماخَلقتُ شيعة حسّين . إلا ليخدمون
حُسيني الغالي الغالي . حُسيني
____________________________
يالخادم هاك اسمع دستور الخدم
بالمجلس كل خادم يعبد لو لطم
الدگ صدره اعله حسينه والصابه السهم
خل يرفع چف ايده ويجاوب نعم
ذي سعادة ذي عبادة . فالكُلُ فائزون
ماخَلقتُ شيعة حسّين . إلا ليخدمون
____________________________
اشما تخدم يالخادم تصعد رتبتك
آنه الرب واعيوني تعشگ لطمتك
لا تتعب بالمجلس طول وگفتك
حته ابيوم المحشر تسرع خطوتك
سوفَ تمضي لجناني . والكُلُ ينظرون
ماخَلقتُ شيعة حسّين . إلا ليخدمون
____________________________
قدمـلي اشما يملك مهشوم الضلع
صدره ودم اوريده وچفين وصبع
وآنه اكرم من عنده وخاطبته اسـتمع
راح اخلقـلـك شيعة ايصبون الدمع
يجزعونَ في المـآتم . وبها مُطالبون
ماخَلقتُ شيعة حسّين . إلا ليخدمون
____________________________
جنتين انطيناكم يـ أحبابي تره
جنة ابموكب خدمة وجنة الآخره
وجنة اتضوي اگبوركم لو بالمگبره
يحضركم مذبوحي وسبع الگنطره
ذا قراري واختياري . بعدَ أنْ تُحاسبون
ماخَلقتُ شيعة حسّين . إلا ليخدمون
____________________________
جنة وهاديها الكم رب العالمين
مايحلم بعتابها الما گايل حُسين
وهناك مرخوص الكم مشيّ الأربعين
وتقرون بيها الفاتحه بسم أُم البنين
خالدين أبدَ الدهر . بجناني دائمون
ماخَلقتُ شيعة حسّين . إلا ليخدمون
____________________________
هنيالك ياخادم معشوگ السمه
أزرع دمعة وباچر تحصد غانمه
لا تنساه حسـينك وإسـمك تخدمه
من اتصـفي النيه اتفـرح فاطمـه
قُمْ ونادي وا حُسينا . فالكُلُ راحلون
ماخَلقتُ شيعة حسّين . إلا ليخدمون
____________________________
كلمات الشاعر : علـي الإبراهيـمي
____________________________
تحميل mp3
رد مع اقتباس
المشاركة الأصلية كتبت بواسطة sawsanmahmoud
