هنا

[ღ عِشق ღ]

عباس اعتنيتك . واتعثر اجيتك
هاي ابطيحتـك ياخويه تدري
اول مره أحط إيدي اعله ظهري
واتعثر اجيتك
______________________________

تعنيتك وطريت الميادين
ووليدي علي فارگني توه
ظلت فاهيه اعليك الصواوين
مدري افراگك ابزينب اشسوه
من اتخوصرت صاحولي يحسين
هالمره الفراگ افراگ خوه
هالمره انچفه العباس مو ماي
مو اخوك اليگلهم راح فدوه

غير اجدامي يهدن . اوصـله ويردن

حگي اتخوصرت ومدنگ الراس
غير الطايح اعله الگاع عباس
واتعثر اجيتك
______________________________

من ابعيد شو ماعندك اچفوف
طاحن لوعيوني الوهدنني
ما اعرف اشصاير انه لا اشوف
كون اوصلك ويعمن هذني
انه حسين ما موتن بالسيوف
بس افراگ عباس الكتلني
امشي وذكرياتك ترسن البال
ومدري اليا كتر عنك خذني

گبالي وماعـرفتك . انه امشي وعبـرتك

حگي امدوهن وما اندل امنين
اول مره هيچي ايصير بحسين
واتعثر اجيتك
______________________________

اگعد يالأعـز من ولد الحسين
فدوه لطيحتك يرحون ولدي
هيه البلوه مو بس موت وفـراگ
ولا بلوة اخيول ادوس چبدي
بس سبعين الف چانت يعباس
كلهم شافوا ادموعي إعله خدي
كون اگبالهم نتشابگ وموت
مو عباس اليخليني وحدي

اول مره عباس . بيه اتشمتت ناس

تدري اعيـوني مو هيـن بچيهن
هاك اچفوف اديه وگوم بيهن
واتعثر اجيتك
______________________________

چلمه خويه ماتنگال بجفاك
وداعة خوتك تحرم عليه
كـضـيت الظهر من طاح عباس
وصارت عاده لليفگد اخيه
حيره اتفارگ اليندلك اشبيك
وانته ابلا حچي وتعرف اشبيه
اول مره هاي ايغتني عباس
من مديتها وما كـض أديه

وسفه ياعضيدي . ماكضيت ايدي

الف وتسع مية جرح ياناس
كلهن طلعن من افراگ عباس
واتعثر اجيتك
______________________________

الله ويـاك لكن الله ويـاي
وين الله اموت وتگعد انته
من گد عازتي لحظنك يعباس
حته السهم كضيتـه وشبگته
اوصل للخيم ولوجهك اشتاگ
واركض وانهطر والگاع سكته
كسرة شيخ يم المالها اشيوخ
هيچي حسين بفراگك كسرته

اول مره الحسيـن . تفزعله النسـاوين

حسين الما مخلي بخاطرك يوم
ايحط ايده اعله زينب يالله ايگوم
واتعثر اجيتك
______________________________

كلمات الشاعر : السيد محمد الموسوي

______________________________

تحمــيل mp3

[جَنـوبـيـة♡]

لْـۆ شگد ما اسمعها ما امل منها

مَشَـــڪُوُرةْ عُمري