زينبيـه اجــروح گلبـي زينبيـه
______________________________
لـحزن زينب ولـألمها آنه ناذر روحي
عمري خلصته مناحه للسبي كل نوحي
اجروحي مملوحة بحزن وشحلاة اجروحي
السوط اگول اشما أشوفه لمتن زينب يوحي
كل مسيه يصيح دمعي كل مسيه
زينبيه اجروح گلبي زينبيه
______________________________
والستر زينب أفسره هيه كل إحساسي
اشما بچيت اعليها اكثر يرتفع نوماسي
خادم الحـوراء إسمي والله رافع راسي
ثوري لحسين إنتمائي والنبض عباسي
لطم إديه مااعوفه لطم إديه
زينبيه اجروح گلبي زينبيه
______________________________
عشت عمري اعله المنابر أسمع ايگولوها
عگب ابوفاضل سبيه بت علي أخذوها
تبقه هاي الكلمه صعبه أبچي لويحچوها
السوط اتمنـه ضربني وهيه ماضربوها
يارقيه صوت دمعي يارقيه
زينبيه اجروح گلبي زينبيه
______________________________
المـا لطـم لمـصاب زينب هاذه ميته اچفوفه
كولشـي چذبه ودمعي واقع واللطـم ماعوفه
فسر الطف تلگه اسمها جرح وسط احروفه
صعبه والحريه راحت للسبــي مچتوفه
يسري بيه حزن زينب يسري بيه
زينبيه اجروح گلبي زينبيه
______________________________
بالسبي كل خطوه إلها چـم درس تنطيني
لازم اتـحمل مآسي حته أحفـظ ديني
الخـاطر الحره وحزنها الله خالق عيني
لو رضت زينب عليـه يعني راضـي حسـيني
للمنيه هاذه صوتي للمنيه
زينبيه اجروح گلبي زينبيه
______________________________
علمتني الدنيا موقف والخلود احچايه
فهمتني طيح لـكن لاتطيـح الرايه
لإن أخذوها سبيه وعذبوها هوايه
گمنه نگصد گبر اخوها كل سنه مشايه
رافضيه الغيره بينه رافضيه
زينبيه اجروح گلبي زينبيه
______________________________
كلمات الشاعر : سيـد معتـز سـلام الحسينـي
رد مع اقتباس