من جان عِشبج خَضَر وخدودج مذهبة
چني متت
وچنكم معزين
وچن الجنازة نهر والناس وگفة گصب مشتولة عل الجرفين
يا دوب اشوف الضوه من فتحة بالتابوت
الضوه حيرة
شتبني الظلمة يفلش
وخزامة التابوت فتحة زغيرة
زغيرة كلش
يختنگ بيها الحجي من يفوت
الحچي بالتابوت غش .
وصلوني يم الگبر
حفروا الگاع
ها يا گاع
تذكرين وكت الصبه
من جان عِشبج خَضَر وخدودج مذهبة
يا گاع تاليتج گبر للفوگ رمشج ربه
عندي وصية ولو ادريج ما تتوصين
يا گاع بي شعر شربيه مني عدل تطگ فوگج إبساتين
واخذي المواعيد البقت
صيغيهن گلادة
من گالوا الشاعر نبي ، شگد حجه بگلبي فرح بس ما دريت النبي ما ياخذ امراده
يا گاع حدرج هم اكو فقره وشيوخ وسادة ؟
هم الگه عندج حزب يسمع چلمتي زناده ؟
احجيلي مو راح اندفن
هم من اسب المگبرة يفتشون گبري وانسجن
شبيج ردي علي هاي اول اليالينه
بعدين ليش الحزن؟ ياهو بينه المندفن؟
طين يحضنله بطينه
ليغرج بوجهي الفرح
دفنيني خل ارتاح
البيبان كلها تكسرت
ما داعي اظل مفتاح
يا گاع لو تدرين
بس يلا معذورة
ما فاگدة محبين
ولا سولفتي وي صورة
ولا گيم تعرفينه ، استغنى بردة وليدج من وفيتي الانذوره
.
.
م
رد مع اقتباس
