سفرتي لثلاجة المنتدى ( يخص جميع الاعضاء من المدير الى اجدد الاعضاء )
شنو هاي كولها نايمين؟؟
اي همزين خلي اروح اشوف
ثلاجة المنتدى شبيهالان جوعان هع هع
راح امشي على كيف حتى ما اكعدهم خخخخخخخ
وجان امشي وامشي وامشي
وبعدني امشي وامشي وامشي
وهم راح امشي و امشي وامشي
شكم مرة سامر كوتله الثلاجة قربها خليها يم ليديا الامورة بقسم مقهى الدرر خنب خنب
الا يشلع كلبي ويشمرها بقسم المطبخ يم وسن الوردة هسه بيه حيل امشي بهالليل ومنا نوب باردة
تعال لازم تمر على قسم آدم تمر يم ايكو شوية تاخذ ملابس شتوية وتطلع شلون ورطة !!
طبعا هاي اذا ما لكيته مصفي الثلاجة على ايده و عازملي جماعة القسم العام و العلمي و المدن والفن
وقسم الدرر اللي هم مهدي الموسوي و فيصل الطائي و غسان العراقي و عبرات
لا حول الله يا ربي لعد شبقة بيها ورة هالعزيمة
المهم كول هذا طبعا بعدني امشي ادري بي اذا يوصلني باقي بس عظم للثلاجة ميرتاح يابة شيلها وخليها هنا لا ماكو
هسه مو هنا المشكلة بالطريق امشي ولكيت وجوه جديدة ومنورة المنتدى من قسم الترحيب و وكفت شوية يم استوديو الاصدقاء
وبقيت اتخيل كم صورة مرت بالي و حيل حلوات .. وجان يلزمني بهلول الرشيد بالطريق و دخت بموضوع نقاشي بقسم النقاش
اني منا جوعان تعرفون شلون اكوم اتفلسف .. وصلت سمعت صلوات و ايات القرآن الكريم بصراحة بهاي اللحظات واني امشي
نسيت الجوع لان عجبني صوت القرآن الموجود بالقسم الاسلامي و بعدين سمعت صوتيات دينية كولش حلوة يم اخوية غريب الروح
طبعا الجوع بدء يتذكرني واني اتذكره عبالك منتظرلي وحدة ومتواعد وياها حتى راح نطلع سوية ولا كأنه ثلاجة
شكول عليك سامر خنب خنب
هسه كول هاي تهون ونكول اكو امل بالموضوع من نشوف جميل الكلام بين سطور الموجودات يممستر عراقي
الا من تشوف هموم العراقيين يم مواطن عراقي وتسمع اخبار الحصة راح تنكطع يم العزيزة ساليخلتني بس اريد اوصل للثلاجة حتى اعرف شباقي بيها
هي هم حظ ترة
تعال نوب واني امشي شفت اشكال والوان عجيبة غريبة يم ابو يقين شي هيجي و شي هيجي
وشي تباوع ليفوك على النجوم و شكلها الحلو اثاري طلع الساموراي طاير بالابراج و جايبها النه والكل منتظرته شوكت ينزل خخخخخ
وبعد ما ينزل الساموراي وكل واحد عرف برجه يروح ياخذله فرة بعالم اعجب من العجب من خيال الصور لا ونوب منو المسؤول الحالمة
هي وحدها مدوخة المنتدى نوب نبقى نباوع الصور !! .. اي والله ذكريات راح تصير بسفرتي لهاي الثلاجة .. بس الحجي بيناتنه رجليه راح تتشلع من المشي
مو مشكلة بس يا ويله سامر اذا طلع ما مخلي بيها شيبس الطريفة بالموضوع مو هنا لا تدرون شنو الطريف والمضحك والممتع
من تشوف ماتيلدا ام عيون العسل بالطريق وبيدها لافته مكتوب قسم الترفيه و الضحك طبعا بوقتها من شفتها هي و ستوتاتها وبيدها اللافته
فد شي بس اتمنيت عندي موهبة ابو يقين بالرسم حتى ارسم الموقف بس حيل استمتعت وياها اختي الغالية ربي يحفظها ..
فكرت اركبلي سيارة من قسم السيارات بس المشكلة ما لكيت المفاتيح مدري منو ماخذهن قبل لا ينامون يعني راح ابقى امشي قدر مكتوب شسوي
بس همزين بالطريق لكيت ابو رأفت السوداني عنده مطبعة حلوة حيل وبيها اصدارات حصرية وحيل حلوة .. طلعت كبل وجان اشوف
مسلسل الدرس الاول بعدين ركزت لا والله هذا استاذ مازن هنا عرفت اني يم اللغة العربية خفت لا يمتحني جنت ما قاري لان الجوع هالكني
وتفكيري بس بالثلاجة وشراح اشوف بيها لكيت استاذ فوبيا كاعد وماخذلة صفنه يم نزار قباني وقصيدة ما ادري منين جايبها بس غير تخبل ..
المهم مشيت واني امشي قريتلي شكم بيت ابوذية على شكم ومضة الهي نفسي بيهن بالطريق من الشعر الشعبي وهناك ما اسمع الا واحد يهمسلي
احلى همس و اجمل كلام اباوع و اشوف علي الاسدي واكف بس جان متعشي .. بخت قابل مثليسامر دمرني بالمشي ..
هسه لو سامر من البداية مخلي الثلاجة بالمقهى مو جان وصلت ولا دوختكم كول هاي الدوخة ..
ردت اقرالي قصة بس شفت السالفة تطول واني بعد ميحتاج اكلكم شبية لان عرفتو مييييييييت من الجوع اويلي ..
ردت ادعفس بسوالف الحواسيب يم سباي مان و انج نور بس بيني وبين نفسي شجاب الالكترونيات والبرامج على معدتي البائسة اللي متمتلك
لا حول ولا قوة خنب خنب وين اروح بهالليل نوب كولهم نايمين هسه لو كاعدين جان واحد مثلا زار سعد الزبيدي لو المحامي احمد التميمي لو Architect_4ever
و واحد مثلا شرب يمهم جاي و سمع اخر الاخبار عن الطلاب واخر التعيينات و اخر اخبار الاقتصاد وسوالف القضاة و اخبار الديكورات والاهم من هذا
خو ما تروح للثلاجة راسا وتاكل الموجود بيها كوله غير بالبداية تمر على طبيبة المنتدى دكتورة هاوس بالقسم الصحي حتى تعرف شنو يفيدك وشنو يضرك
بس الحلوة طلعلي واحد يحجيلي انكلوزو واني شلوني منا واني جوعان اخبل همزين استاذ سامح محمد نقذني وترجملي الموقف و بعدين واني امشي اتذكرت
شمالنه الحبيب طلعلي واحد سلم علية بالكردي ما اعرف شرد وشكوله سالفة اخونه ابو الانكلوزو بس هالمرة باران موجودة بس حرامات نايمة شلون اكعدها وازعجها
شو شفتها زحمة اتذكرت شاناز ددرسنه هالايام دروس كردية المهم حليت الموضوع بمعرفتي والحمدلله بس ما اكمل الكم شصار بعدين باللغات البقية
بردت بالزايد بهذا الجو وبهالليلة مريت من جديد يم اخوية ايكو اخذ هدوم واشوف الربع كولها ملتمه هنا منين ابدي حاير
من الملكي العراقي وتراتيل الطينوفاهم الموسوي وعلي الواسطي و علاء المكتومي و ماجد علي وعلي الازيرجاوي و العراب و سئمت الانتظار و نسيم العراق و المراقبين و النواب نيو و عمار و المؤسس سايوليت
وعلي الناصر و علي الشمري و نصرت و الايمان وحيدر البرنسوشاكر خليف وعاشق الازرق وشيفرة دافنشيو محمد الفهد و موهاتما و البقية الاعزاز
بس مثل متعرفون لكيتهم مسوين عزيمة واني منا متأخر هم اكول خنب خنب خنب شسوي بهيجي حالة طفرت اشوف خواتي بلكي بيهن وحدة كاعدة منا منا
حتى تسويلي عشة فيري و الحالمة و سالي ملتهيات يسولفن شكال القسم العام وشحجة قسم الصور و شكالت السياسة و الاخبار خنب ترة دخت من الجوع
اباوع لكيت يم محلات الموديلات منو واكف Queen my self و الدمعة الحرة واريج الولايةImpossibale dream و أحلى بزونة و صابرين البغدادية و اجمل انسانة وتوتة وليليا و حنين الوطن و زينب التميمي و روعة الماس وجنونيات و اسرار و رنو و رنوش وعاشقة الورد و مريامو ماريان وكوين سجى والبرنسيسةوريام ومريومة خاتلة ما ادري ماوين وسارة الحنونة وصفاء الروح و قناصة وعيوني رصاصة الله يستر يعني شادة بعيونها كاتم لحد يتقرب هههههه واحد من الجوع كام ما يعرف شيحجي ههههههههه المهم بيهن خوش لمة بس الحجي بيناتنه هن ملتهيات بأحدث الموديلات
وهذا شنو سعرة وهذا ما اعرف شنو .. ويجي كبريائي يكولهن اني جوعان واريد تسوولي اكل غير يصير كتلي عمل شعبي
عمي اروح للثلاجة برجلية واتحمل المشي شكول عليك سامر
واخيرا بيني وبين نفسي كلت هو المشي رياضة هسه اتعود بلكي انسة الجوع
وجان اوصل للثلاجة
اي همزين وجان افتحها
لكيت ابو الشباب مخلي نص قوطية زيتون
شسوي بي بنص الليل مو زين ع المعدة
خلي نشوف شكو بعد
ماعون محلبي .. راح انطلعة على صفحة ..
3/4 كيلو طماطة و نص كيلو خيار و وياهم فلفل اخضر
هاي الزلاطة هم كملت
وهنا بيضتين على صفحة ..
خوش شغلة راح انطكهن بالزيت لان دهن ماكو بالحصة ويكولون الحكومة ممداريتنه
هههههههه
المهم صار خوش سحور والف عافية
وتحياتنه لكل الجوعانين ههههههههههههه
وتعبتوني واني جوعان وصارلي 3 ساعات اكتب بالموضوع
واعتذر عن اللي ما حضرتني اسمائهم
ان شاءالله عجبكم الموضوع
ودي وعبير وردي
مع تحيات الجوعان هههههههه
كبريائي قاهرهم
رد مع اقتباس
