هنا

[ღ عِشق ღ]

عـالي الرمـح . واگصيـره إيـدي وما لحـت
وآنه الصبـح . متـعودة ابـوسك يالرحـت
يابـويه يالطـولك نهــر
ليـش إنته صـاير بـس نحـر
عـالي الرمـح
______________________________

هاي آنـه خوله والدهر سباني
من حظنك لحظن الهجر خذاني
صدرك مكاني ومن ردت مكاني
گالوا حوافر داسته ونساني
يابويه نصيلي الرمح ثواني
مالوحه واحتاجيت اشم حناني

مات الصبر . بعيوني لمن شافتك
حافر مهر . يابويه حافر وجنتك

مو بس ضلع بيك انكسر
ليـش إنته صـاير بس نحـر
عـالي الرمـح
______________________________

يابويه راسك من رحت وصلته
مافك لي ذرعانه وتلـگه بنته
ماگلي بويه ولا حچه وسمعته
حاولت ابوسه وماقبل سألته
ليش انته الحنين صرت مو انته
كل ظني احظنك والرمح حظنته

ضاع العرف . يابعد روحي وكل هلي
شـوگ الولف . للخيل صاير مو إلي

جاوبني نحرك واعتذر
ليـش إنته صـاير بس نحـر
عـالي الرمـح
______________________________

خفت انه اسألك يجرحك سـؤالي
ليش انته عالي اعله الرمح يعالي
مو تدري اجيتك ماگلت تعالي
شو حته ثغرك ماضحك يغالي
ومچاني ذاكه البي شفت دلالي
يابويه گاعد بي جرح بدالي

ماظن ملح . بعيوني طاح ومانمت
هذا الجرح . ماخذ مكان البي چنت

ارتاح اذا طال الســفر
ليـش إنته صـاير بس نحـر
عـالي الرمـح
______________________________

گد ما زغيره وعطرك اشتهيته
ما اعرف امشي والدرب مشيته
واتهجه بسمك بس حلو حچيته
حاولت ألفظه بالدمع بچيته
گلبي ابمـكانه ماكو ما لگيته
ثاري انته بويه من رحت خذيته

هاك النبض . من فارگتني ظل يحن
ليش انتفض . يمكن سمع ضلعك يون

شوف اشـلعب بينه القدر
ليـش إنته صـاير بس نحـر
عـالي الرمـح
______________________________

تعبانه روحي والسبي عذابي
دنيلي راسك واستمع عتابي
من عمري أطول بالعمر حجابي
ادري انه ميته وانطوه كتابي
محتاجه منك شـي قبل غيابي
كلمة يبويه احچيها الي ابثوابي

عالي الهوه . وبنيتـك ابعمر الشمع
راح الضوه . وانفاسي راحت تنگطع

ماتحچي مر گلبي انفطر
ليـش إنته صـاير بس نحـر
عـالي الرمـح
______________________________

هاي آنه إجيتك والحبل بديه
اعبر سكينه واعثر ابـرقيه
ما اعرف اسمي خوله لوسبيه
صحتك ولكن مادرت إليه
يالغالي وجهك مو إلي عليه
وآنه ادري بفراگ الأبو منيه

راح الأمل . من گتله بويه وماحچه
حان الأجل . عمري عله الموت انتچه

وبموتي غربني الدهر
ليـش إنته صـاير بس نحـر
عـالي الرمـح
______________________________

أذاني جرحي وماحصل طبيبه
شيسوي گلب الـعـالرمح حبيبه
هاي النهايه وكلمن ونصيبه
وصلت منيتي وبعلبك قريبه
ماباقي ساعه وانذبح سليبه
وابقه اني وحدي واندفن غريبه

بان وغصن . ذبلان چان ابـلا أمل
عاش بحزن . ميت بعيد اعله الأهل

سويته شجره وبي ثمـر
ليـش إنته صـاير بس نحـر
عـالي الرمـح
______________________________

كلمات الشاعر : أحمـد الذهبــي

______________________________

تحميـل mp3

[انثى مخمليةة]

يسـلمـوو حبي

[ღ عِشق ღ]

يسـلمـوو حبي

انـرتِ، ورده

[سید عبدالله]

أحسنتي
مشكووور

[مســــــــــار]

كالعادة ابداع رائع وطرح يستحق المتابعة شكراً لك بانتظار الجديد القادم

[عباس-الخادم]

السلام عليكم اختي عندي قناة عل يوتيوب ومحتاج القصيده انشرها اذا ماكو مانع

[ღ عِشق ღ]

أحسنتي
مشكووور

الشكر لله

كالعادة ابداع رائع وطرح يستحق المتابعة شكراً لك بانتظار الجديد القادم

ممنونة لمرورك اخي

السلام عليكم اختي عندي قناة عل يوتيوب ومحتاج القصيده انشرها اذا ماكو مانع

عليكم السلام اخي الطيب اذا ممكن وضحلي برسائل الزوار

[Yaman]

تسلم ايدك

[عباس-الخادم]

اختي رايد انسخها وانشرها فقط ولان انتي الكاتبه فحبيت استأذن من حضرتج