كيف اكون طالبه سادس اعدادي متفوقه للحصول علئ معدل عالي
كيف اكون طالبه سادس متفوقه في دروسي
زنبقة الغرام تفيد بهذا الموضوع
عدهه نصائح مفيده لطلاب السادس
رح اسويلهه تاك للموضوع
غير تقرين وتتفرغين كليا للدراسة
ويكون دماغج صافي
حتى تستوعبين الدروس
ابتعدي عن الحب لان كله كذب وطيحان حظ
واكتبي ويه المدرسه اول بأول
وراجعي الماده اكثر من مره
واقري السؤال بتركيز كلش قوي وكذلك الجواب
ولاتقارنين نفسج بغيرج لان تتحطمين نفسيا
حبيبتي طبعا اسمج نفس اسمي..
حياتي عندج اهم شي اليومي التزمي بي يوم بيوم وضبطيه مدام بعدج ابداية السنة لان السادس اهم شي بي التكرار وبالنسبة للمواد البيها حل مسائل مثل رياضيات او كيمياء وفيزياء فلازم هواي تحلين وتطلعين على مسائل خارجي ووزاري حتى يصير عندج خزين معلومات ...واكو بقسم اسئلة واجابات اني انشر اسئلة خارجية حاولي تشوفيهن وتحليهن لان هاي خارجية مال اساتذة
حبي والاحسن اذا مدرستج موزينة دخلي معهد احسنلج حتى يفيدج زيادة واذا تحبين تواصلي وياي واني شدرس بالمعهد ادرسج
وادللي عمري
فقط أفهمي اللي تقريه ولا تحاولين تحفظين شي دون فهم وخاصة كيمياء وفيزياء وأحياء ...وبس.
اقدملك نصائح عن تجربه
اولا السادس اسهل مرحله ممكن تدخليها بحياتك افهمي هالشي زين لسبب بسيط
طالب السادس كلشي متوفره بالنت يعني اي شي ما تفهمي بس ادخلي يوتيوب او جوجل وابحثي راح تلكين شروحات اكثر من هالهم على القلب وهذا ما متوفر لاي مرحله ثانيه
ثانيا : (هي انت مو احد ثاني ) يعني انت مو بالضروره طموحك طبيه او هندسه او اي قسم ثاني مثل ما الشعب مهرول على الطبيه لو انتحر او اعيد عشر مرات بالسادس في سبيلها ( اذا كانت رغبه لا ضير بس اذا كانت علمود ارضاء الاهل او المجتمع ما راح تفلحين ) وانت اوقات درسك وفهمك تختلف عن اي تحد ثاني ممكن دماغك يستوعب بالليل او العصر او من الفجر او حتى بال12 بالليل شوفي وقتك وامشي عليه بس يفضل الصبح لان الجو لطيف وهدوء
ثالثا : ونسي نفسك اشكد متكدرين يعني شوفي افلام تابعي يوتوب سوي الشي الي تحبيه كل يوم عادي ولا كانك بالسادس
رابعا : من تقرين استخدمي نظام ( بمدورو تكنيك ) ابحثي عنه باليوتوب راح يشرحولك عليه واكو تطبيق بالفون يساعد تطبقينه واحسن شرح اله هو قناة دروس اون لاين مع الاخ احمد ابو زيد
خامسا : ابد ابد ابد لا تفتحين الكتاب وتصفنين بي وما تقرين ، لو تفتحينه تقرين لو سدي ولاتقرين لان هذا راح يعود تصفنين بالدرس وياخذ من وقتك كثير لان من تسدين الكتاب وما تقرين وتتكرين الصفنات تعرفين انك ما درستي شي على عكس الصفنه بالكتاب دماغج يبدي يراوغ يكلج صارلك كذا ساعة ماسكه الكتاب كفي ارتاحي وتبدى الانهيرات وفقد السيطره على الوضع
سادسا : خصصي مكان بالغرفه للدرس فقط يعني زاويه او مربع ولا تخلين يدخله تلفون او اي شي االكتروني ويلهي
اتمنى تفيدك تجربتي وتتجاوزين اخطتئي بالسادس الي ضيعت حلمي .
مجرد رأي شخصي ،،،
اتركي كل النصائح
مجرد حددي هدف لمستقبلج لا اكثر و لا اقل
كل شيء بدون هدف ما تكدرين تحققينه و هذا الشي مرتبط بالارادة لتحقيق هذا الهدف
رد مع اقتباس