الانصار
أليكم أيها الفرسان تلوح راية الشجعان
أتيتم لبن حامي الجار عليتم ايها الأنصار
*****
نعم فرسان البطولة نعم يا أعظم رساله
توضحت بيكم معاني شنهو معناها البساله
يعني معناها التحدي يعني دين الله وكماله
يعني ريحانه محمد تنعكس بيكم خصاله

رأيت فيكم الكرار بسيف حارب الأشرار
اتيتم لبن حامي الجار عليتم أيها الأنصار
*****
جني يم حسين واكف شاهدت ثله بيمينه
والي جان يودعه منكم تبين الدمعه عله عينه
بصوته يهتف عل أعادي احنه لحسين اصطفينه
احنه انصار الحقيقة يعني للباري انتمينه

كفوف العرش تلقانا جنان الخلد سكنانا
أتيتم لبن حامي الجار عليتم أيها الأنصار
*****
وبخيام الوالي طفتوا طفتوا بوشاح الشهادة
وانتبتوا حسين قبله بهايه تممتوا ألعباده
منهو كال انتو اقتلتوا انتو بالجتله الولاده
فايز حسين بثورته بيكم انصاغ اعتماده

دعاء في مساعيكم خطاب قاله فيكم
اتيتم لبن حامي الجار عليتم أيها الأنصار
*****
ياكيان العالم اسمع شنهوا أسباب انجمعنه
هالسبط حجة زمانه وبسمه للغاية ارتفعنه
وبكنف حيدر نشأنه ومن كراماته رضعنه
بالعطش متنه عله حبه بالدمع نروي عطشنه

دموع العين تروينا يقول المرتضى فينا
اتيتم لبن حامي الجار عليتم ايها الانصار
*****