امام العاشقين

هذا اسمي هذا اسمي خادمٌ عند الحسين
هنا شعري هذا صوتي قارئٌ حزن السنين
من جراحي انت اين يا إمام العاشقين
ياسياط الموت صبي بلكي اوصله بالم
وبلكي ارسمهن جروحه واشكي همي للرسم
بيا عقيده يهون دمنه وتنجتل هاي الزلم
وهذا صوتي شلون يبجي ويقره بحزان القلم

يا ملاذي يا ملاذي هل لنا فيك الوصال
انت فينا ما لقينا من عذاب واحتلال
واليك سائرين يا امام العاشقين
*****
ارد اشوفنك واسولف وارد اسولف ما يصير
وحدي بين اجساد سكتت وها الانادي عالنصير
واحنه خدامك يغالي يا ابن ذاك الوزير
تقبل بهل الحال عينك النه بس الله المجير
يا دموعي يا دموعي اذرفي حتى الممات
اقتليهم واذبحيهم الطغاة فالطغاة
هل ترانا ثائرين يا امام العاشقين
****
تقبل بهل الحال عينك نعيش كل هذا الدمار
واحنه خدام بحضرتك وكرمونة بانفجار
الليل لمن فجرونه من وميضه اصبح نهار
وذبحونه عالهويه وهاية عدهم انتصار

في زماني في زماني اقلب فيه السطور
حين تقرأ سوف تطرأ احرف ظلم وجور
هاترانا نازفين يا امام العاشقين
*****
اوكف بجمرات كلبي واكتب الممامش واعدي
والضحايا كبالي طاحت يا غريب وانه وحدي
حاير بهذا التكطع ولهذاك شلون اودي
يا حسين الروح فاضت وهالرفيج الايد خدي


لست ادري لست ادري صرت في دنيا الجنون
هجروني قطعوني كيف صبرت العيون
تسمع صوتي الحزين يا امام العاشقين
****
شما كصه ويانه الزمان تبقه بينه واحنه بيك
لو تريد الروح ترخص وسفه ما تغله عليك
لو تريد المال اخذه بروحي يحسين اشتريك
واحنه شجعان بمحبتك وانجمعنه انظل بديك
لا تلمني لا تلمني حينما افدي النفيس
انت تتعب حين تكتب أي رقم لا يقيس
فخرنا حب الحسين يا ملاذ العاشقين
****
قيس ما يلحك حنيني وما يوصلني بحنين
هوايه هالاموني عنك ومنهم احزان السنين
ما اجاوبهم واعاتب كلبي الهم ما يلين
بس اجاوبهم بكلمه واكتفي انت الحسين

واحسيناه واحسيناه نلهج طول الزمان
ما وجدنا مذ شهدنا غيرك فوق اللسان
لمصابك ذاكرين يا امام العاشقين

هذا اسمي هذا اسمي خادمٌ عند الحسين
هذا شعري هذا صوتي قارئ حزن السنين
من جراحي انت اين يا امام العاشقين