امي هدت حيلي
جانت اتلوليلي..امي هدت حيلي
ذكرامي مات جوه الساني مات.؟. فاركتهه أومابقت بس ذكريات
امي هدت حيلي
************
چم مسيت العافيه أهديلج امي
يلي اسمج فاطمه إتمنيته اسمي
بيدي ظلت شيلتج والعطر يمي
يمه عدمن اشتكي ويزيل همي
بس حلم وديلي...امي هدت حيلي
يمه من بعدج سنيني امكدرات.. فاركته ومابقت بس ذكريات
امي هدت حيلي
**********
چني اسمع صوتهه إتلولي ليّه
تگعد ابنص الليالي إتغطي بـيّه
إچفوفهه بيهن عوافي إمن الأذيّه
من اسافر تدعي إلمغرب إليّه
الصورتي تبچيلي.؟.امي هدّت حيلي
امي والدمعات شوچنهن خوات.؟.فارگتهه اومابقت بس ذكريات
امي هدّت حيلي
**********
من تصلّي نستمع بإلحمدُ وجعــه
من ضلعهه المنكسر
يابويَ اسمعــه
تدعي لله فاطمه ماشفنه دمعــه
وشلّن..وَي..محسن إلمــا منـه رجعــه
إلمحسنچ ترتيلي.؟.امي هدّت حيلي
ضيّع الجناز كل الأمنيات.؟.فارگته إومابقت بس ذكريات
أمي هدّت حيلي
**********
أمي هيّه إلأسست هاي إلمحنه
لوتملنه الدنيه أمي ماتملنه
چانت إتلمنه إبحضنهه طيور جنه
فارگتنه إلوالده من ينغر إلنه
طيِـبَـه من تدعيلي.؟.أمي هدّت حيلي
امي عافتني إلچفوف النايبات.؟.فارگتهه أومابقت بس ذكريات
أمي هدّت حيلي
***********
ياحبيب إيعيش لوميت حبيبه
امي چن ريح الشمال إيلوح طـِيبه
آخ..يالمسمار من يكدر يطَـيْبـَه
خلّه حرگ الباب بالدلال شيبه
إبدمعه اساهرليلي.؟.امي هدّت حيلي
واليفارك امه هم يگدر يبات.؟.فاركتهه اومابقت بس ذكريات
امي هدّت حيلي
**********
ماتت امي تمتلك رحّه وحصيره
هم شفت مسكينه وتساعد فقيره
فاطمه إبهيبة فقرهه هيّه اميره
سبحه عافتلي أوصفت وياي اسيره
كالت إتبوسي لي.؟.أمي هدّت حيلي
إتوصي بوسيلي النحر كبل الممات.؟.فارگتهه اومابقت بس ذكريات
امي هدّت حيلي
***********