عله ياهو الجان حنيتي
جا لمن جزاج الطيف
وتبده الحلم بالشيب فزيتي
جا لمن رخص عمري
عله ياهو الجان حنيتي
ماتدرين
من رحتي بكفاج شكد تركتي سنين
ماتدرين ..
يم كل باب شاتل عين ومتانيج
جاهلبت طيوفي تخضر بطاريج
انه بذيج الايام السود
مانزلت دمعي
شلون...
هسه تريد عيني ابجيج
يادمعة بتوالي الليل ماوصيج
لمي لمشتهاج متاع
ترى بتالي الحزن حتى الدمع ينباع
ليش من اشتهيتج طيف
طشيتي الشمس بالكاع
من شفتج غصن ذبلان
حشمت الفلح والماي
جان بخاطري ينزل عليج فياي
وين ادري بخريفج جاي وين ادري
انه لشوفتج عطشان
ومايج فات من حدري
يذيج الساجيه تدرين
شما تركد بعيني الناس تتبدين
جا هيه الصور سهله
شجم نورس نزل بحذاج
لجن ماكدر يعله
ومن جان الملاكه ظنون
جنتي بواهسي طفله
وجان الليل بعيونج قلم كحله
مافززج دمعي الطاح
وانه الجنت افز بطيحة الكذله
أورث صورتج جمدوب وشرب بالعمر ندمان
يااول ذنب جمدوب بسنين المفارك يشرب الدخان
حسن قاسم
رد مع اقتباس