هنا

[حامد نور العوادي]

منو الكلك حلو وتكبرت عالناس
منهو القشمرك خلاك تتكبر
ومنهو الكالك طركاعه حسنك هاذ
ومنهو اللي وصفهه اعلى الخلك تفتر
اشو يادوب شعرك لامسنه رداف
اوجهك مو كمر بعد اكثر مدور
وعيونك ابد ماتشبه الغزلان
لان يمك اشوف عيونهن ازغر
ولا عندك شفايف تشبه الرمان
لان الياكل الرمان يتدمر
ولا مرمر ركبتك حتى بيهه اندوخ
لان يلمع فقط من ينجلي المرمر
صح كلة قند صدرك وشك الثوب
واتحداك اضوكه وبي طعم سكر
ولاردافك جبل والخصر قبضة سيف
ما شايف جبل بوزار يتوزر
ولاطولك غصن يشبه لغصن البان
لان ادري الغصن ميال من يثمر
ولا جنك شمس من تمشي بين الناس
اشوف الناس تجمد ما تحس بحر
ولان نور الشمس يطفى بسواد الليل
انت الليل كله بحضرتك نور.....

[سامح]

عاشت ايدك ...... صح لسانك

[كبريائي قاهرهم]

تسلم وعاشت الايادي
على روعة االختيار
لا حرمنا القادم من ابداعك
ودي وخالص تقديري