هنا

[فقار الكرخي]

صدفة
وكل شي تغير بية
ضحكت عيني
وگلت لروحي
توة انفك شباچ الدنيا
حسيت اللحظات إلتمن ، صارن ناس
وكل الاشجار الـ بالدنيا صارن ياس
منين اجة كل هالإطمنان
منو حط كل هالفرحة بروحي وطيّـر كل ذاك الوهواس
ماا اگدر اضم بگلبي اكثر
انة مو گد هذا الاحساس
حاچيتك ..
گتلك يحبيّب
كل هالوكت وانت بگلبي ، واسأل وينك !
ماچنت ادري
كل هالدنيا چانت عينك

ماچنت ادري
چفوفك جاية من اخر دنيا تريد تلمني
شميت النعناع وفزت
كل دمعات الفرح تغني
من شفتك ، تگدر بالنظرة تغلب حزني
وبس تضحكلي
لأبعد من عمري
تاخذني
وتأكدت بذيچ الساعة
بس انت
وحدك
تگدرلي اكثر مني ..
.







ياسر الانصاري

[انثى مخمليةة]

حبيت


يسلموو