هنا

[فقار الكرخي]

ضلام
مغطي ديرتنه..!
هندس والكمر غايب
اظن باكته احضان الغيم..!

ولا نجمة امل تضحك
وبروحي غفه الوهواس

چن امشي
بدرب مسكون
ماجايس جدم للناس

اصيح
بصوت ياالوادم
مشه بيه التعب للراس

مايل
مثل حايط طين
حيلي من الهموم البيه
ينهد لو يجيسه الماي

چنت
شجرة وتفيي الناس
تالي انباع خشبة الكامة المصلوب
و عمري يضيع بيد الفاس..!

سهر
وجفون ذبلانه
وجسد متعوب
گلب تايه يدك بلبوب

مسامر
غنه وي الكاس
بضيم الدنيه جاي انداس
ليش الوكت بس وياي بالمكلوب

انه
اللي حمل حزنين
حزني المن عذاب الناس
وحزن ولايتي..
المايرضه مني يتوب







وسيم محمد

[أستثنـآئيـّةة❤️]

يسلموو