يـ سر دمعي المفضـوح
سنـد حمـلي المطـروح
تحـن يامهـدي الـروح
سيـدي سيـدي
……………………………………
وسط گلبي اشحلاتك . بشر هاگد غلاتك
گمت حته من انام اشعر تغطيني ابعباتك
يعشگي من البدايه . عشگتك عالروايه
اكيد من ابتدي ابعشگك اعيش اجمل نهايه
شفت وياك الخير . جنح شد حيل الطير . الگلب ما مال الغير
سيدي سيدي
……………………………………
تره اخلافك يغالي . اخبرك شنهو حالي
مثل نجمه اشتهت ظلمه وتزاعلها الليالي
يصاحب ذكرياتي . خذت منك حياتي
إذا ما أبچي وادعيلك احس خـله ابصلاتي
ادورك بين الناس . واعرفك عندي احساس . لإن تشبه عباس
سيدي سيدي
……………………………………
يريت أندل مكانك . غبت بس ظل حنانك
الحمدلله العمر يمك واعيش آنه ابـزمانك
يـ صبح الله ونهاره . أكيد ابـكل زياره
أشوف ابكربله انوارك تشع مثل المناره
انه انشد عنك وين . ولكن عميه العين . ضوه انته اليم حسين
سيدي سيدي
……………………………………
انه معذب دليلك . أجرحك واشتكيلك
يمولاي اشكبر گلبك يبو صالح دخيلك
يهنيالي وهويتك . بخيت آنه ولگيتك
يصاحب گلبي وبگلبي وكياني وروحي بيتك
تره الحبك مبخوت . عدل يبقه من ايموت . دواي انته المنعوت
سيدي سيدي
……………………………………
كلمات الشاعر : أيـوب الـشغـانبـي
……………………………………
" تحميـل mp3 "
رد مع اقتباس
المشاركة الأصلية كتبت بواسطة علي الواسطي
