زينب زينب باجر يوم العاشر
زينب زينب شدي الحيل الباجر
زينب زينب شَوف العين احسينج
زينب زينب صدره ايدوسه الحافر
..........................................
يازينب وين باجر وجهج والمن
لومن كل صوب بالله اعليج التمن
سهم العباس واجفوفه الي انكطعن
شبوها النار بخيامج واحتركن
وحسينج طاح فوكا عشره ايلعبن
وبجسمه اوصال بين الخيل انمردن
مايكفي الخيل داسن صدره وراسه
بعظام احسين كامن حيل ايطحنن
زينب زينب .. يلهب گلبج شاجر
زينب زينب شدي الحيل الباجر
.........
حسين اتشوفي اكبالج من يتوذر
إمن التل شفتي نابت سهم المنحر
ينزف والخيل ظهره وصدره ايسحكن
إو من دم العين ماشافج مايكدر
حس اتنادين وينك يابو الاكبر
يركظلج كام ويطيح ويتعثر
وانتي اتركظين وتطيحين امن التل
كل خطوه أباخ بس كل اخ ابممبر
زينب زينب .. شوفي ابحاله اشصاير
زينب زينب شدي الحيل لباجر
.............................
زينب زينب يالباجر محنيه
بين العباس وحسينج وارقيه
لو اجه السلاب يم ارقيه وصاحت
وينك يابوي جا ما تلحك ليه
وابعينك شوف متجويات ايديه
لوراسه ايشوف دمها امن الترجية
والنار النار من جوت رجليها
يتأذه حسين كافي اعليهْ مسبية
زينب زينب ..ويضل كبلج حاير
زينب زينب شدي الحيل لباجر
....................
لوشفتي حسين من ذباحه يذبحه
لمي الاطفال جوه الراس ابرمحه
كل فكره عليج مويم ذبحه افكاره
للطف مريود مثل حسين ايشرحه
من شاف الليل طال وماهل صبحه
واسلام الناس ماصخ راد ايملحه
من دمه حسين وبكل گطره السالت
ثورة ايثار حته الغافل يصحه
زينب زينب .. ظحه بكلشي وصابر
زينب زينب شدي الحيل لباجر
..............
شلون اتعيشين وانتي العشتي المقتل
شفتيه حسين بالدم طالح امرمل
جم مره الروح من اهاتج تطلع
وضل ملك الموت ايردها ويتوسل
كل ورد الكون باجر بالطف يذبل
لو متي اشضال بعيالج يتكفل
السجاد اعليل تدرينه وحيله انهد
شلون اتصعدين لوجابوها الهزل
زينب زينب .. بيكم يحدي الكافر
زينب زينب شدي الحيل لباجر
...........
بس النسوان وانتي ابلايه عشيره
وانت اتصيرين الهن خيمه وديره
خوله وكلثوم وام القاسم عندج
خيمه اتصيرين ها ياخيمه اجبيرة
باجر تمشين لارض الكوفه ابحيرة
من رمحه حسين راسه اعليج ايديره
تظل عينه عليج خطواتج يحسبهن
لو تتعثرين يهتز راسه ابغيره
زينب زينب .. هم وياج ايساهر
زينب زينب شدي الحيل لباجر
................
للشاعر
زهير الابراهيمي
رد مع اقتباس