دارميات رائعة
اضحك چــذب ولعوز دك بيه ثايه
بس ماصرت بالضيج مرتع حيايه
اليوگع امــن العين…… بالك ترده
وباب الرزق لو صار هم يمه سده
الكرم مو بالزاد بالملگه خليه
ولمايقدر الضيف لا تعتب عليه
مانمشي وي اشكول مو مستوانه
انرافك البي الزود.....ولعالي شانه
حته القوافي اتنوح دم تهمل اعليك
بالشعر عــدنه اهواي محد وصل ليك
صــح فقره مـاعــدناش ولهم كتلنه
بس من يجي المحتاز ننزع هدمنه
يا كلبي كون اجويك هسه بجمر حار
چي وهدنتني وياك وي وادم ازغار
لله ارد اشيط اليوم وتعاتب وياااه
ليش اليخون الزاد يطي وجه وجاااه
وزاني ليهه ابليس گوه او بستهه
لو أدري هچي ادوخ چا ماجستهه
يالحادي عوف النوگ عمي ارد احاڄيك
شوغاتي عگب اهــواي حــوبتهن اعليك
علي رحيم الصليخي
رد مع اقتباس
