هنا

[الملاذ الاخير]

كل مسيه .. يحدي بيه .. يحدي بيه الشوگ
.. ١..

من اهد ما دفعوا الجنة .. النفس كوات اشمنه
ميته بكربله اتمنه .. يدنيا .. يدنيا
من شفت الصدر ينرض .. جفن عيني بعجل غمض
حسيني ابيش يتعوض .. يدنيا .. يدنيا
يا زماني .. تعباني .. تعباني النوگ
كل مسيه .. يحدي بيه .. يحديه بيه الشوگ

.. ٢ ..

انداس بيا ذنب صدره .. ضلوع حسيني متطشره
نامت بالگلب حسره .. يليلي .. يليلي
مثل ماي النهر متني .. سياط الغربه اذتني
اوكع وامشي خلتني .. يليلي .. يليلي
الهاشميه .. بس عليه .. بس عليه تلوگ
كل مسيه .. يحدي بيه .. يحدي بيه الشوگ

.. ٣ ..

تكتل ساعه الفرگة .. وانه بدمعاتي محتركة
مثل حسيني وين الگة .. يروحي .. يروحي
صرت محرومة من كلشي .. حرت من يادرب امشي
انه المحد رفع نعشي .. يروحي .. يروحي
من سبونه .. طببونه .. طببونه لسوگ
كل مسيه .. يحدي بيه .. يحدي بيه الشوگ

.. ٤ ..

اصبح وامسي مجروحة .. انه علة حسيني مذبوحة
هذاك النازع بروحة .. عليه .. عليه
گطعت الهيمة عطشانه .. وراس الغالي ويانه
شفت حسيني ذبلانه .. عليه .. عليه
يا حسرتي .. من ضحكتي .. من ضحكتي تبور
كل مسيه .. يحدي بيه .. يحدي بيه الشوگ

.. ٥ ..

سبب واحد يموتني .. الغريبه الدنيا خلتني
الناگة العرجة اذتني .. يخويه .. يخويه
انه المحد فزع ليه .. كلها تكلي مسبيه
عكب عينك يبو رقية .. يخويه .. يخويه
صدرك انته .. ماعرفته .. ماعرفته مسحوگ
كل مسيه .. يحدي بيه .. يحدي بيه الشوگ

.. ٦ ..

فاركني اعز ناسي .. وشيب كل شعر راسي
الله يساعد احساسي .. غريبه .. غريبه
يهنياله الدفن روحه .. قبل ما ينسمع نوحه
عشت كل عمري مجروحة .. غريبه .. غريبه
الهاشميه .. بس عليه .. بس عليه تلوگ
كل مسيه .. يحدي بيه .. يحدي بيه الشوگ

ابو ذيات

.. ١ ..
نخيت ع النهر نايم .. يفزعون
كتله ايتامك ابهجرك .. يفزعون
سكت والعسكر ابتشروا .. يفزعون
واجوا شاكت يجر شامت عليه

.. ٢ ..
انه عمت عيني تالي الوكت .. وجعليج
وطحت من شفت المخيم .. وجعليج
انه اكوم شلون يازينب .. واجيعليج
وانه حافر فرس مكسور بيه

كلمات : حسين عبد جليل المالكي










تحميلmp3

[الملاذ الاخير]

اجمل قصائد محرم 1441 ع الاطلاق .. اتمنى الكل يسمعها

[هيڤين' ♬✿]

تسلم احمد

[*RÂყÂм*]

شكرا جزيلا لك

[ضياء المالكي]

من اجمل القصائد في محرم هذا العام
شكراً لك

[Ѽ صافية]

جميلة جدا
مأجورين ومثابين
الله يعطيك ألف عافية
تحياتي