هنا

[جبار العامري]

بعدنه اصغار يا بويه وعفتنه
وماشفنه الفرح من فاركتنه
بعدنه هواي نشتاك
ومنحب طاري الفراك
عمود البيت وبخيرك تلمنه
بعدنه اصغار يابويه وعفتنه

حبك بيه عاش ولسه يجري
وفدوه يروح الك يابويه عمري
عزيز وحيل غالي
ومكانك هسه خالي
عمود البيت وبخيرك تلمنه
بعدنه اصغار يابويه وعفتنه
للشاعر جبار العامري

شبسرعه القدر يبعدنه وتروح
واحنه ابغيبتك بس ننزف اجروح
نبجي وندري متعود
وعطرك بينه موجود
عمود البيت وبخيرك تلمنه
بعدنه اصغار يابويه وعفتنه

[فقار الكرخي]

الله الله
احسنت صح السانك

[جبار العامري]

الله عليك صح بدنك