يابو صالح
خلّصت عشره محرم لجن ما شفناك ابد
لكن بكل اعتقادي جنت تبكي اعله الجسد
رحت للتل بهظيمه ورحت لرماد المهد
ليش ما تظهر يمهدي شمنتظر كَلّي بعد
ــــــــــــ
يابوصالح
ارد اسالك والمدامع تجري عالخد من دمه
هم شفت يم نحر جدك تبجي امك فاطمه
هم رحت زرت الشريعه بيامصاب اتكلّمه
واضن تسمع صوت طفله بكربلاء اميتّمه
ــــــــــ
يابو صالح
شهر حزنك ندري يمتد الى ان يخلص صفر
تمشي وي زوار جدك للضعن تتبع اثر
مدري تتعنّه المخيّم لو تصل يم النهر
لو تطب الگبر جدك لو تسلّم عالكَمر
ـــــــــــــــ
يابو صالح
دموع عينك جاريه وتتنطر ايرد الضعن
شاب كَلبك كَبل راسك ياعظم ذيج المحن
صوت تسمع اين اين الطالب بثار المشن
وحتى ترجيّه رقيه تنادي يا ابن الحسن
ـــــــــــــــ
يابو صالح
خلّصت عشره محرم وننتظر عام اليجي
يالله يلفينه محرّم نستعد الهل بجي
مدري احياء ويمرنه مدري غايب عن هلي
ربي ارزقني محرم بجاه بت حيدر علي






م