هنا

[فقار الكرخي]

آن ام من اكَولن ام تعرفوني
آنه انكسر ضلعي وسطروا عيوني
علبني المنذبح عطشان واسوني
جسمه اعله الارض والراس فوك الزان
ـــــــــــــــــــــــــ ــ
آنه ام الي شاف اعياله مذعوره
وشاف اخيام زينب نار موجوره
ام ال بل خيول ضلوعه مكسوره
والحافر ترك فوكَ الصدر نيشان
ــــــــــــــــــــــــ
آنه ام الي شفت الشمر حز نحره
وشفته شلون متربّع على صدره
شفته جسمه حمل طبرات مو طبره
وضل جسمه صريع بساحة الميدان
ـــــــــــــــــــــــــ ـ
آنه ام الحسين الصرت منكوبه
آنه ام الي بالطف سلّبوا ثوبه
آنه ام زينب ال بالكون مهيوبه
خلاف حسين اسمهه ايسيرة البلدان
ــــــــــــــــــــ
آنه ام الي شالوا عالرمح راسه
وعلى زينب يونّ وخنكَته انفاسه
وضل مكسور ضهره اخلاف عباسه
صاح بصوت وينك ياكَمر عدنان
ــــــــــــــــــ
آنه ام الي ضل بكربله موذّر
رحت يمّه واشوف اجدامي تتعثّر
يم جسمه نحت والدمع يتفجّر
واخبره اعله الفواطم حركوا الصيوان
ـــــــــــــــــــــــ
آنه ال من شفت ضلعه انلجم ضلعي
وشفت خنصر يمينه وضل يهل دمعي
حضنت حسين بيدي وكمت اون وانعي
يبني حسين بيك شسوّت العدوان






م

[ৡ⚘أೂـيـر ألـنـ੭ــل⚘ৡ]

✥✥༄يـــا زهـــراء༅✥✥


عظم الله اجرك