هنا

[فقار الكرخي]

يالخذيت سنيني طيش بمشتهاك
من رحت مو ماي
طاست حيل ذبيت بگفاك
كلشي يتبده وراك
لهفة الغبشة، العصاري، أنجومك الليلية أعدهن،
ضاعن من استاهدن غيري بسماك
ياهذاك ...
مدري ليش
الطين يلتم أعلى طوله ويعتنيك
ومدري ليش
اگبال كل مراية عينك تشتهيك
المن تردني من أجيك
وترجع إتحشم طيوفك لو بطيت
أنه لو ادريبك أتحب الغريب
منهد ذيچ الصدفة جان تغربيت
والله لو أدري السفر مفتاح للغبشة مشيت
لچن اتغرب بعينك مادريت
مادريت... وتهت بعيونك رسالة
ومن قريتك تيهتني
ليش يا أول سفر من ثگل حملك
خذت كلشي ورجعتني
رجعتني وماكلتلي المن مسافر
رجعتني المن يخايب
والحچي المگيود گوه يبين بكسر الخواطر
لاتناطر ،،
لم شكو بعينك ضباب وطشره وتلگاني شاعر
بسك تحشم بناسك غير چفك محد يگودك لباجر
دلي روحك لو خفت بيك المباصر
وانطفى مواكح الطين
أو لاتلم رماد حلمك من يطيح بغير عين
ياحنين ...
تركض المن والعمر حفنت اسنين ..
أستنگي روحك
ورتوي بطيف أعلى عرفك
گبل لايركد الماي
وينشرب بــ أول عطش مر اعلى جرفك
ناغي جفك ؟؟
وامسح تراب المري بـ چلمة أشلونك
يالمغربني العمر مو للحصاد
وشاتل أحلامي بعيونك
چم نعش زتيت وحدك ورجعت فاگد أمتونك
چم حلم مات بخضاره ومارضه يفارگ أچفونك
والرموش محاضن تكضي الظلام
يحصد دموع الغريب شما يخضر بالحلام
كافي يالطشرت عمري أعلى السهر خليني انام
بسك بجرف النعاس أدير ملحك
ياهو گلك خلص ليلي وسيرت بجدام صبحك
يابو الاوداع شكثر وديت وادم
ورجعت خسران يضحك
كافي بيه تروف جرحك
ضيع مني شما لگيتك
وطفى كل ماتفگد عيوني ضواك
أنه موذاك الگيته بكل ضياعه ومالگاك .






حسن قاسم

[سمراء من قوم عيسى]

عاشت ايدك

[صفاء العامري]

تسلم فقار