اصحاب الحسين الهيبه
فزعوا سمار وشيبه
اتوسطهم حسين وصاح
حي الله زلم النيبه
____________________________
هدوا سوه . وحته الهوه
بلگوه ظل يتعده
وين الفحل . بالطف نزل
يثبت الجيش اشحده
وحسين صاح ابصوت ذوله اصحابي
وين العجيد الـعـالمراجـل رابي
والجيش خاف وناده
خلصت روس القاده
اصفر صبح حته السيف
منين الأمان انجيبه
____________________________
زلم الحرب . وين الصعب
طبوا الحومه ابهمه
من انتـخوا . وتگـابلوا
بالجيش سووا ثلمه
صاحوا اليوصل خيم زينب وينه
يحسين نسحگ شاربه ابرجلينه
بالكون زامط بينه
وخلي الثگال اعلينه
بالعسكر انحط اجـروح
ماترهم الهن طيبه
____________________________
العسكر رعد . خلفة أسد
طب ابــ لحيته البيضه
من ارتجز . چم زلمه فز
خلص الجيش ابـغيضه
گللهم انه حسين عمي يگلي
شايب وبالطف ماكو زلمه بحلي
هاليوم اجرد سيفي
واگلب الحومه بكيفي
واتلاگه بس ويه الشاب
والماهر ابـتدريبه
____________________________
صار الفزع . والطف نگع
فاضت اگصصهم غيره
الرايد يفر . من ياكتر
حارت زلمهم حيره
والروس دخنت والحسين ايعاين
طب الها وين الــعلى الملعب ماين
طب الها وين القائد
اليچوي الزلم مو بارد
وين اليعذب بــالجيش
ويتفنن ابتعذيبه
____________________________
روس انفنت . گاع انچوت
حفاي من سحگوها
تنطش رعب . من تنضرب
هيچ الجيــم خلوها
وحسين گل عباس شوف انصاري
اذكرهم اشما اجيب للعز طاري
بالحرب رفعوا هامي
من اتحزموا جدامي
من زودهم أكبر جيش
يختل ورجفة اتصيبه
____________________________
شيخ الزلم . صاحب عزم
حي الله بالوفايه
رغم الضمه . ابسيف ودمه
دگو عله الطف ثايه
شالوا السيف ورسموا اجمل صوره
موته وعليه ارگابهم مكسوره
طاحوا الـخاطر عيني
نذرو عمر لسنيني
اصل الوفه ربع حسين
لا شك اكو ولا ريبه
____________________________
كلمات الشاعر : مصطفى حرب
____________________________
تحميلmp3
رد مع اقتباس
المشاركة الأصلية كتبت بواسطة انثى مخمليةة
