اتصوريني

اتصوريني طيب من شراي اﻻول
ما افيد اليشتريني ..
اتصوريني
هنه والحادي الحدى بحلواتهن ضاعن سنيني ..
اتصوريني
تايه بزيزايه وحدي والعشك طيره غريبه
منين ماهدها تجيني ..
اتصوريني
بصومعه ودرويش بيها ايجوي روحه
والجفون معاشريني ..
اتصوريني هنه ظلن كطرتين
وبعد ما اوجد دمعتي وياهي عيني ..
اتصوريني
اوشال زيبك حطني وكتي بظهر مهره
اترهرز بماعون صيني ..
اتصوريني
بليل والمصعاد جالي مجلب بكشايه وادري هواي وادم حاسديني ..
اتصوريني
نخلة بالبصره تلكح نخلة بديالى
بعيده السالفه البينج وبيني ....






محسن الخياط ...