هنا

[ღ عِشق ღ]

يدري بيهن باچر يفرن حفات
حسين شال الشوك عن درب البنات
يدري بي منا دربهن .. وخاف لا يجرح جدمهن

وانه اوخر الشوك عنهن خويه ظل يجرح بديه
زلمه طبع اچفوفي خشنه والألم بين عليه
اتخيلت شيسوي باچر فوگه من تسحگ رقيه
وترفه يازينب جدمها وچويه بيها ابنار أميه

تبچي باچر والدمع بالوچنه حار
شوكه واطب ابجدم حـارگته نار
زينب ابنياتي احبهن .. خاف لا يجرح جدمهن
____________________________

خاف إيد الشـوك باچر تلزم ابطارف عبيچن
اتعثرن وماعنده غيره ايفرج الوادم عليچن
شامت ايعطل ركضچن خاطر ايلحگون بيچن
من الفرات ايجوز شارب يفرح ابطيحة وليچن

هينه لو بس جدمچ يخلي جريح
يصير عثره بدربچ وطولچ يطيح
ابطيحتچ يوگف ركضهن .. خاف لا يجرح جدمهن
____________________________

الشوك باچر عينه تطلع ايصد على ابنياتي بيها
الما اجت من يمه تركض هوه يركض يعتنيها
اتطيح ويرگضن وراها يبچن اوطاحن عليها
ابلا حبل يچتفها يمه منين مافرت يجيها

چنه يصرخ للشمر لــهنا تعال
عطلتهن يمي جيـب إلهن حبال
ابلا عواطف لو شبگهن .. خاف لا يجرح جدمهن
____________________________

مدري ليش ابصف خيمچن تگرب الشوكه البعيده
اشما اگص بيـهن دربـچن ترجع اتـخضر جديده
خويه زينب چنها گالت الشمـر زارعني بيده
وإلا ابـچيلك رقيـه واجـرح سكينه وحميده

سهم المثلث أحمله اشما يصير
بس فلا أحمـلي شوكه ابچف زغير
ودي فوگ اعيوني امدهن .. خاف لا يجرح جدمهن

____________________________

كلمات الشاعر : علي عويـز الشـويـلي

____________________________

<< تحميــل Mp3 >>