هنا

[فقار الكرخي]

شلون ليله بت علي تمر بيهه
تودع بضيم وقهر واليهه

شلون ليليه عليج يابت حيدره
تنكضي بنوح وتضلي مكدره
حسين حين ايودعج ايهل ناضره
هالوضع لوشافته ايبجيهه

شلون ليله وتكضي باهات وحزن
وتهوه زينب مثل مايهوه الغصن
شلون باجر بالحرم من تمتحن
اطفالهم بس زينب تلم بيهه

ويلي يازينب يبضعة فاطمه
اليله اخر ليله هاي المؤلمه
الليله ودعي حسين ابن حامي الحمه
وركبته يابت علي قبليهه

الليله ودعي حسين باجر مايضل
تشوفي باجر راسه عن نحره انفصل
هذا باجر يجره هذا الي يحصل
صدره وجفوف الكمر شميهه

اليله ودعي حسين انتي والحرم
وخل يخلص الليل بوداع والم
باجر تشوفين مشتعله الخيم
وما كواحد يمج يطفّيهه

شلون ليله والمدامع سايله
مكابله حسين وجفيل العايله
هذا ضعنه خلافكم ياهو الاله
وهالحرم شمر الرجس يسبيهه






م

[الملاذ الاخير]

ماجورين فقار .. احسنت النشر
في ميزان حسناتك

[فقار الكرخي]

نورت يالحبيب

[انثى مخمليةة]

كالعادة ابداع رائع وطرح يستحق المتابعة
​شكراً لك،