حسين بدمه رجع هيبت الدين
وحافظ عل الامانه وصان الاسلام
ضحه بروحه خاطر ناسنه اتعيش
لان يدري بمجيئه يحقق احلام
ومو بس وحده ضحه أنصاره ويا
واهل البيت جانو نص الخيام
أبو فاضل اخوه الضحه بجفوف
بحسين الشهيد اتحزم احزام
وضلت رايته وما طاحت ابيوم
عل درب الحسين اتعلكت اعلام
رايه ومفخره ودروس الحسين
بيوم الطف صبر وتحمل الالام
المناصب ماتهمه ولاحكم راد
بس همه الإصلاح ودمع الايتام
الوصف خجلان من حسينه هواي
اشما تكتب بحقه مقصره الاقلام
امس هجرو ناسي وذبحو اطفال
ركضنه اعله السواتر واحنه صيام
حامينه الوطن والعرض والكاع
الجفون أنشكه اذا مافكرت اتنام
وحك طف كربله وجفين عباس
عل نهجك نضل للموت خدام
طفك مدرسه وبيه ناخذ ادروس
اذا ندخل حرب نسحكه الاقزام
الوطن غالي وحلفنه ندافع اعليه
وحك زينب هذيج السكنت الشام
يصوت المانذل هيهات يحسين
يلصدرك درع وتلكه الاسهام
ومن عباس اخذنه الغيره عنوان
وقاتلنه اعله حبه هواي ضلام ..
الشاعر جبار العامري
رد مع اقتباس
