حقيقة..جنت (و لا زلت) جوعان جدا
امي مغلسة، فرحت اشتريت صوصج .. كيس الصوصج رخيص ، بألف وربع، .. (و يجوز نلكاه ارخص بأسواق الجملة، دا افكر اوسع نطاق البحث)
كتله لصاحب المحل، الصوصج مضبوط ؟ كال مضبوووط توب ، اني اعرفهم متدينين .. فما اخاف من يكلولي مضبوط
جبت الصوصج ، حاولت افتح الكيس ... ما كدرت باليد المجردة،
فجبت سجينة . ، السجينة للاسف عمية، فعالجت الكيس، .. ايضا ما انفتح
حاولت ادور على نقطة ضعف بالكيس، .. قلبته من كل جهة ما لكيت
ردت (أخدش) الكيس من منطقة (الحزوز) اللي سببتها اصابع الصوصج الجامدة، امشي السكين عل حز، إطلاقا ما استجاب
حرت، شاسوي؟ .. اخر شي .. خلليت الكيس (اللي صاير مثل الحجر من الجمود) بصورة عمودية و خلليت السكين عمودية عليه ودقيتها بايدي بحذر.. فاخترقت السكين الكيس
حاولت امشي السكين يمين ويسار علمود اوسع الـ (شق) .. بعد عدة محاولات محمومة صار (شق لا بأس بيه)، مديت اصابعي بشق الكيس وبديت اجر باتجاهين متعاكسين ، بكل قوة، .. و النتيجة انشق الكيس تماما، و وكعت منه (اصابع صوصج جامدة جدا) .. صايرة كتلة وحدة، .. و أثار الجر باصابعي واضحة
احتاريت الآن باصابع الصوصج الجامدة شلون افتح واحد عن الآخر
حاولت ادخل (السكين) بين اصبعين، ما رهمت، مشيت السكين على منطقة (الحز) من جديد ، ما استجاب ابد، اضطريت اخللي السكين عمودية و دقيتها من الأعلى، إطلاقا ما تزحزح اي اصبع عن صاحبه
مسكت كتلة (اصابع الصوصج) .. و احتاريت شسوي، آخر شي من رجعتها للـ (ماعون) لكيت اصابعي ملتصقة باصابع الصوصج من شدة (الجمود)
عرفت أنه الحلول مستحيلة وفق تصوري، و اجيتكم اسأل هنا شاسوي لأن انتهيت من الجوع عااااااااا
اريد الـ Best Practice اذا امكن
رد مع اقتباس
المشاركة الأصلية كتبت بواسطة بـاران
