هنا

[فقار الكرخي]

عبد الله اخذه اسكيه صاحت رقيه
من العطش صد ليه يفرفح بديه

صاحت لبوهه بصوت والدمعه تهمل
نار العطش بجلاه تدريهه تكتل
ضيم وعطش ودموع ماضنه يحمل
خافنهه لي هالساع تلفه المنيه

جف صدر امه وراد بس كطره يشرب
عبد الله من ضماه ضل ايتعذب
لولتله بس ماهاد عمتنه زينب
ونار الرباب عليه ضلت سريه


ما ضل دمع بالعين حتى انه ابجيه
جالمن انه ادموع وبدمعي اساكيه
وامه بهظم وبنوح كامت تصدل ليه
يادهري كافي سهام ترمي عليه

انه رقيه وزين تدريني طفله
يبجي ويريد الماي شحجي وشكله
من كثر ما عطشان اكماطه حله
وجنه يكلي الماي يختي الوفيه

يابويه اخذه بساع للشاطي فدوه
عبد الله اخوي ينوح كام يتلوه
ومن ترجع من بعيد كلي تروه
حتى اطفي كل جمرات مشتعله بيه

ناطرنه راعي الجود يرجع للخيام
ويجيب بيده الماي ويساكي الايتام
من العطش هاي عيون ما تكدر تنام
ولاتكدر من صهيل خيل ال اميه

للشاطي اخذه وروح واروي غليله
راي الاجيتك بيه ماكو بديله
تدري بعد لحظات يعلن رحيله
ولو راح اخوي ابجيه صبح ومسيه






منقول

[صفاء العامري]

احسنت وعظم الله لك الاجر