يامسيـح عالـمك .. لاتعـوف مريمـك
يامحمـد من محمـد .. يا علـي ويشبـه علـي
_________ ________ ________

ياعلي ابموقفك چم نبي ينرسم
والخليل جمرته بهالوداع تنفهم
ياقميص يوسفي كربلاء بيك اشم
موسى چان بالبحر وبضماك ينلچم

بالخيام بسمله .. يايسوع كربله
تنولد بالطف يـيمه ياضوه عيوني وهلي
_________ ________ ________

عني ليش تبتعد ياملاك دنيتي
وبأثر خطوتك ظل أثر دمعتي
راح اروح من گلت بينت شيبتي
انحني من الهوه وأعثر ابخطوتي

ها يروح والدك .. دهري ليش يبـعدك
ياعلـي الأكبـر يـأول جرح راح يصير إلي
_________ ________ ________

من يغيب كل ولد گلب ابوه ينجرح
گلبي صاح ياعلي من تروح انذبح
يافرات خيمتي عن ابوك لاتشح
عمري ليل ينحسب من تموت ياصبح

روحي بيك هايمه .. في أمان فاطم
روحي ديرة من البواچي والحزن ماينجلي
_________ ________ ________

ياعلي ابصولتك صرت اشوف حيدره
ذو الفقار بالحرب خـزرتك تنقره
بين اديك تنطبگ ميمنه ابميسره
خلي يوم كربله چنه يوم الآخره

هذا جيش خييري .. وانته سيف حيدري
والمثيلك يبني لازم مايرد سيـفه خلي
_________ ________ ________

راح اجي لمصرعك لوهويت بالحرب
من ظهر مهرتي وياك اطيح عالترب
من دمه طبرتك شيبتي تنخضب
راح اشيل جثتك للخيام لوگلب

ليلى هاي تنتظر .. جيتك عــالجمر
وانه أمك موتي سكته من يفارگني الولي
_________ ________ ________

بالرسول تلتقي ترتوي ابــكوثره
گله راح والدي ينذبح منحره
عمامتـه تنسلب ينگطع خنصره
والأشد لو خذوا عيلته ميسره

ياشبيه للنبي .. عمتك تنسبي
والشمر يحدي أبـضعوني وآنه بـسياط انولي
_________ ________ ________

كلمات الشاعر || كرار حسين الكربلائي