وصل يم البطل وادموعه على خده
شافه يمه لواه مرمي ومنقطع زنده
والسهم نابت ابعينه وجوده امبده
مخه سايل على امتونه صاح ياعباس *آه ياعباس* *آه ياعباس*
يابوفاضل خويه أنهض وأخد چفيني
خويه سهم العين بيك أشعِمل حاجيني
ريت هدا السهم خويه نابت ابعيني
والعمد ماصاب راسك صابني اعلى الراس
*آه ياعباس* *آه ياعباس*
أخد عمري يابوفاضل فدوه لك
عمري ياعمد بيتي يخويه وياجبل
صبري بطيحتك ياخوي والله منكسر ظهري
وانت تدري على حسينك تشمت الارجاس
*آه ياعباس* *آه ياعباس*
للحرم منطي وعد خويه الوعد
وينه خويه اباب المخيم تنطر سكينه
خويه قالت لليتاما ابماي يلفينه
مادرت عمها بحوافر خيل اميه انداس
*آه ياعباس* *آه ياعباس*
رد عليّ ياخوي خفف لوعتي وحزني
شحچي حق زينب يخويه من تناشدني
وينه حماي الثنيه والكفل ضعني
وين حماي الظعينه وين ابو النوماس
*آه ياعباس* *آه ياعباس*
هذي من حيدر وديعه وأنتَ كافلها
ما أظن ترضى يخويه باچر ابذلها
خوفي باچر بالمهانه يزيد يسألها
وين خدرچ وين صونچ وين ظل
عباس *آه ياعباس* *آه ياعباس*
رد مع اقتباس
