صدى صوتك لهسه ابكربله ايصيح
وبعاشور غيمه ايصير بالعين
واحس جفوف صوتك تحضن الروح
بلهفه زينب اعله ايتام الحسين
يقيناً جنت بالطف انته موجود
وتندل كل شبر للمشرعه امنين
اسنين وبينه مسجونات الذنوب
وصدى صوتك فتح باب المساجين
على شفتك اثر عطاب الخيام
وبيك من الطفوف اشكد نياشين
اه يحسين ..من بالمجلس اتصيح
اوياك ارواح تمشي اجساد باقين
يحمزه بمستهل تاخذنه للشام
وعلينه مشاكف اسهام المنايه
ويوكف بالعجز كاظم المنظور
يحيي ابركب زينب والسبايه
وموضوعك يحمزه اشوكت ما جان
اشوكت ما ريد اوكف انه واقراه
على كل القصائد مطلع اتصير
ضريح من الشرف بالروح طفانه
يخيـّال القصيده والحجي الزين
الحجي بعدك يفشل لو كشفناه
اشكد تنطون (عمّـلة) بدم الحسين
لتحجـّينه حمزه مو دثرناه
يوكف شعر راسك من تجي اليوم
وشعر اعكال راسك يوكف اوياه
وانه استغرب على الرايدني ارثيك
الحي ما ينرثي والمات ننساه
وراح انقل وصيتك للرواديد
وصيه حي بعيده وحلم ملكاه.....
الى ساده المنبر والرواديد
مو اني الحسين المنكم ايريد
لتكولون عن زينب سبوهه
لان هذا الكلام ايزعل ابوهه
واجروح الكفلهه ابد متهيد
زينب ما مشت مسبيه للشام
بجفهه اتفيي راحت راس الإمام
وتوزع صبر لكلوب الايتام
لتكولون عن زينب سبيه
هيه اللي سبت جيش ال أميه
بخطبتهه وصبرهه ذلت ايزيد
العقيله ما مشت للشام اسيره
ولا اقنع بقت زينب ابحيره
الله اختارهه اتكون السفيره
من اجل ان يبقه ثابت منهج الدين
وتتحرر أمم في ثوره حسين
كلام الله ما يحتاج تأكيد
رد مع اقتباس
