نايم وافز والگاني شايب
چنت بوسطهم ملح ذايب
أركض ركض بس حظي خايب
ويتلاون علية المصايب
نايم وافز والگاني شايب
چنت انتظر جيتة بالاحلام
ومن اذكرنة عيوني متنام
تركض الدنيا واحنا بأوهام
ومرن سنيني بحسبة ايام
وياحيف بالي الماعرفهم
ماچنت اظن ذولي الاودهم
جرحوني حيل وسامحهتم
گلبي الرچيچ الواگفلهم
وانة الوحيد الما بقولة
صحبان بالهم يوگفولة
من بعيد شماتة صيحولة
تمثال ميت شيدولة
شيشيل من الباب عيني
وشيلمهن انطشن سنيني
بالغربة واهلي عايفيني
ولاطارش السكت ونيني
حيلي انكضى من كثر العتاب
ومن انتظاري ما بقت باب
جرحوني واگولن ظني ماخاب
هو اليلچمك من الاحباب
بسك يگلبي بطل عناد
تحن وتريد الغيرنا راد
گلنا وحچينا هواي مافاد
وشبيدي انة معلم عالابعاد
هموم حملتهة بثگل الجبال
مو عل چتف عل گلب تنشال
وحيلي اشدة بشد الحبال
بس هسة حالي مالة كل حال
وضليت انة ببخت النواعير
ساعة اكبر وساعة ارجع صغير
ويا دنيا خلتنا بلا تفكير
سر بيها والسر ببطن بير
مصطفى غالب
رد مع اقتباس