رسالة اعتذار للحسين




اگبال بابك شفت دمع امي استحيت

گلت لاتزعل عليها عيونك

انه مذنب واعترف

بس بيه شوگ مايروح من الگلب لضنونك

ياحسين وداعة امك

والدمه السال اعل طولك

والرساله الجاست اسمي

انه تابوت الدمع مافارگاني

ياحسين ومن يذكرون المواقف

مايجي اعل عيوني غيرك

ولايفز گلبي بغيابك

ياحسين الثورة انت وكل مواقفنه زغيره گبال جفك

كل صبح ما اشتم اسمك

يزغر بريتي الهوه

وما الگه غيرك

ياحسين الدين انت

نعوف سالفة العبادة نزور نحرك

نلگه چف الله اعل نحرك

ونلگه من العرش وصله تشيل دمك

ياحمام ورده بيضه

وغصن مرسوم اعل صدرك

منين ما اشوف الفرات تصيح عيني

وي دمع عيني انچفيلك

ياحسين شگد حچي ودم اعل گلبي

شما اريد اوگف وسولف

ازغر وكلي انحنيلك

اخ ياملح النبوه

اشگد حزن مر اعل عينك

جم رساله انشگت وماعرفت اسمك

اخ لو بيدي الرسايل الا اخلي الكوفه تسجد

من يغط چفي بسبيلك





سلوان عدنان