يا سلوتي وياماي هاي عيوني
يبني بمصابك هالعده فجعوني
ياريت كبلك عالترب ذبحوني
من الدمع مدميه كل جفوني
هظموني هظموني
جسام اياوليدي
ـــــــــــــــــــــــــ ــــــ
عالكاع شفتك يبني ينزف دمك
بسيف العده يبني توذّر جسمك
صحتك يريت اتشوف حالت امك
امك تحضنك يالولد وتشمك
ظلموني ظلموني
جسام ايوليدي
ـــــــــــــــــــــــــ ــــــ
يوليدي هاي الحنه هاي شموعك
يوليدي نارك تستعر بضلوعك
ياجفني لا تبطل مسيل ادموعك
بحزن وهظم يبني انختم موضوعك
ناديتك ناديتك
جسام ايوليدي
ـــــــــــــــــــــــــ ــــــ
من دمعي يبني اعجنت هاي الحنه
يبني وعليك اجذبت حيل الونه
ياريت دامي الولد ماشوفنه
اتمنه كبلك انذبح اتمنه
وكطعوني وكطعوني
جسام ايوليدي
ـــــــــــــــــــــــــ ــــــ
يوليدي يا ريع الكلب يوليدي
حزن وهظم نوح والم كل عيدي
ياروحي عالقاسم بعد لتهيدي
يبني وفركت عليك راحت ايدي
حرموني حرموني
جسام ايوليدي





م