تحزّم عباس ابجفّيته
ــــــــــــــ
يتنومس من طب للحومه
وبي هيبة حيدر مرسومه
وضلّت كل اعداه مندومه
هوّس ويهفّي ابخاجيته
ــــــــــــــ
يتبسّم واعداه ابحيره
موقف ضل يصعب تفسيره
كَلم آنه الشايل غيره
ويفخر جبرائيل ابصيته
ــــــــــــــ
كرار الثاني ايسموني
كل اهل العرش ايعرفوني
كافل خدر اخته ايوصفوني
وصدري البت حيدر دكَّيته
ـــــــــــــــ
زلزال واكَلبهه اعليكم
ومامش رجال ايضل بيكم
مشراد ابداً ميضل ليكم
وكل واحد ميرد البيته
ــــــــــــــــ
عباس آنه وهيبة حيدر
يبرزلي البيكم من يكَدر
ميضل راس وميضل منحر
اشلاء اليبرز طشّيته
ـــــــــــــ





الشاعر محمد حسن ضيغم