بالله يانهر .. ماشفت أثر
ضيعت أخو .. يكسر الظهر
ابوفاضل ابوفاضل
يكسر الظهر
_____________________
عالشط مالت الرايه شفتها
خويه حسين ادركني اسمعتها
لمن ناده بسمي استغربتها
مولاي وإمامي تعودتها
كلمة خويه مامرت عليه
اول مره يلفضها إليه
لازم صابته سهام المنيه
وبهاي الأخو يحتاج اخيه
ناده بالإسم .. والأمر مهم
بالله لو وگع .. بيمن احتزم
يخو زينب
يخو زينب
ما إلك خبر ؟
___________________
امشي والتفت خلاني دهري
وانشد يانهر وتگلي مدري
عطشان ابوفاضل وانته تجري
وين بيا كتر مچتول ذخري
واگع ابن ابويه اوضيعيته
دمع المحد ايعرفه بچيته
جف يمناه عالغبره لگيته
جيت والد لإبنه اجيته
صوتي يعتلي .. ضيعت هلي
رگضتي إله .. رگضتي لعلي
على راسي
على راسي
سطرت الدهر
___________________
چـفه يانهر لمن حملته
مو چـفه جبل يذبُل رفعته
دم يمينه اليجري تبـعته
لحظه وچف يساره مرمي شفته
مدري اشصار بيه من نظرته
قبلته وگطع گلبي ابگطعته
چفك مدري ضلع أُمي شُبگته
عباس وعلي ظهري كِسرته
هايه حسرتي .. راحوا اخوتي
يانهر بعد .. شنهي ظلتي
علي بويه
علي بويه
واگـع الگمر
___________________
هذا يانهر آخر حچينه
ماسألك بعد بيّـن ولينه
خل احچي ويـحماي الضعينه
والطم صدري بيساري ويمينه
امشي وشايل اچفوف الگطيعه
واقبلهن واعاتب بالشريعه
اقسم بالنبي وسر الوديعه
ما مخلوق يحمل هالفجيعه
ذاك ابا الفضل .. عالجرف عدل
عينه عالخيم .. والدمع يهل
ها خويه
ها خويه
راسك انشطر
___________________
ها عباس ها چنك صحتلي
لوعندك اچفوفك اشرتلي
من يمك طحت مدري اشگلتلي
يمكن گتلي زينب باوعتلي
لا خويه اطمئن محد وصلها
وحدي من أرد راح اشرحلها
شتگول ابسهم عينك اگلها
لوساكت اظل ودموع اهلها
هايه هيبتي .. هايه رايتي
هاذي وگعتك .. مدري وگعتي
وانه عيني
وانه عيني
فگدت النظر
___________________
عباس العذب بيدك غرفته
ضامي وذكرت ضامي وشمرته
من فدوه رحتلك ماشربته
چا بردت گلبي اوجمرته
بارد چان بالله احچيلي عنه
كون انطي الرضيع شويه منه
كاسر خاطري ظل ينتظرنه
مايدري وگع حارس ضعنه
وضعي مو سهل .. شحچي للطفل
عذبّه العطش .. وانته منچـتل
يرضيعي
يرضيعي
عنك اعتذر
___________________
ارد انهض ومنهو يمدلي ايده !
بيش إيگوم الموسد عضيده
چلمه شامتي لا مو بعيده
سهلت وگعتي وگطعت وريده
غمض عينك وموت اعله اديه
روح وانـقُل لجدي التحيه
سولفله العطش شمسوي بيه
گله الملتقى قبل المسيه
انته تحتضر .. وانه انتظر
وانته مستحي .. وانه اعتذر
ابوغيرة
ابوغيرة
سيدي الفخر
___________________
كلمات الشاعر :- السيد عبدالخالق المحنة
___________________
تحميـل القصيـدة : mp3
رد مع اقتباس
المشاركة الأصلية كتبت بواسطة رئاب
