هنا

[فقار الكرخي]

من اول وينكم لآخر حرامات
اهلنه اشماگصت بينه المسافات
منا لشمس ليل اليتانون
شخسران بجفاكم غير العيون
وداعت شوگم ماننسه هيهات
@@@@@@@@@@@
شيسوي اليحن هسه اعله محبوب
وبعيد الدرب ومسرگة البوب
وذا تبجي الدمع ميرجع الفات
اتموت اتموت بس ذني احتمالات
لهلك محد يوصلك غير الغروب
@@@@@@@@@@@@
شيسوي الغصب سجانه لو نام
عليكم عين عين ايدور الأحلام
خافن طيف منكم جايبه الريح
يصفكهن لما فص منهن ايطيح
الوكت شنگله ويرد ذيج الايام
@@@@@@@@@@@
اشيضمك ياگطه؛؟وكلهم صواييد
القطار ايريد منه اليكره ايريد
صدگ شتريد من عدنه القطارات !
لهسه اجدامنه تنگط مسافات
كل هذا وبعد نيشانه ابعيد
&&&&&&&&&&&&&&&&&
ابرهه يلفوگنه البگلبونه اغماگ
بس جافينه شر الليل نشتاگ
شنو تنگل صور وتذب علينه
ماتدري الجفه شمسوي بينه
متگلي الهوه شعلي بالفراگ
&&&&_&&&&&&&_&&
أصعب شي لمن ماتدري شتريد
وتبجي اسنين واضروف ومواعيد
ياهو الگالك قررنه ننساك
اول مادرت وجهك فگدناك...؟
كل عام ولهب هجرانك ايزيد





م

[أستثنـآئيـّةة❤️]

حلواات كلش،،،