ياعزيز الروح-- انت ابو اليمه
كل شخص منه --- يرخصلك دمه
احنه بكفوفك-- نفزع بهمه
ننتصر حتماً --- عل يعادينه
----
حسين يل غالي-- ماتضل وحدك
سيوف تلگانه --- سيدي عندك
يخسر بطفك-- كلمن يضدك
بدفترك انت --- سجل اسامينه
----
نرخص الارواح-- سيدي دونك
وكل اهلنه اليوم-- فدوه لعيونك
وهذا عابس صاح-- آنه مجنونك
ومثله يا مولاي --- احنه جنينه
----
مانريد العيش --- ولا امل دنياي
انت كلشي اتصير --- الهوه والماي
بصوت نادينه--- وياك يا مولاي
بيمنتك احنه --- سيوف تلكينه
----
امك الزهره --- ترضى ردناهه
بالحشر باجر --- احنه وياهه
احنه ما ننساك-- وعيب ننساهه
من لهيب النار-- الحره تنجينه
----





الشاعر محمد حسن ضيغم