#قصائد_محرم_1441
ياخويه الكــفيل صـــارت دنيه ليل
بظلـــمه خفت
*
يعني صاير ماتحبني وانه اخـــتك وانولي
ابد مو جـن انا زيـنب وجن ابويه مو علي
ضربوني جتفوني وطيحوني
محنــــيه العلويه ومــولـــيه
مربوطه بحبال وبنص الرجال
خويه اركضت
بظلـــمه خفت
*
خويه جيب الرايه ليه وغطي وجهي من الشمس
امنين مادورن ابـاوع يركــض اعلـــــــيه فرس
يركضني يـتعبـني يفحـطني
المهـيوبه المتعوبه مرعوبه
من اعثر اطيح جاوينك اصيح
اشكد حشمت
بظلـمه خفت
*
من الخــــــيم طلعوني كوه ياكفيلي اطـــلع دفع
طحت ياخويه اعله وجهي وحيل المني الضلع
دفــعوني جروني هضموني
عيروني وأذونـي وســبوني
اسمع يالشهم شبع عرضك شتم
وستهضـمت
بظلمه خفت
*
طيحتي كلــــــفه عليه بالارض راسي انلطخ
خاف ماتدري اخبرك خويه بالصخره انفشخ
صب دمي من عظمي ياهضمي
مخـــزوره ومجبـــوره المستوره
باوعلي الشمر وانه بلا ستر
بس دنـــكت
بظلمه خفت
*
حبل مشدود ابركبتي من الوجع اخ صرخت
والشمر بيده يـــعتني اكبالهم وســـــفه طحت
انه اختك وبخــتك حـــلفتك
حاجيـني وحاميني وغطيني
يا راعي الشيم انصبلي خيم
بصحره نمت
بظلــمه خفت
*
للشاعر
سيد حيدر الجزائري
رد مع اقتباس