هنا

[فقار الكرخي]

غيّاب چنهم موش غيّاب..
شو چن إيديهم دگّت الباب !

معتاز ونّ الليل معتاز..
والروج شايل ريحة اعزاز !

يا نهر ذبني اعله الجرف ناي..
وبهداي جيس الروح بهداي !


يلزهره كبرج وين ردي من اصيحج
بس انتي ماشديت عكده بضريحج


المن ددك بلباب يا كلبي امشنه
لو تسمع الله وياك لو جلمه خشنه


اشرب وبز بلماي عمده من بزه
لينعز على حسين ماعدي اعزه


اتمنه كون اهواي بمنازعي ايفوت
حته التفت ونساج يانشغت الموت


ماريدك من ابعيد تنشد على ادواي
جابلني وانحب حيل وتمرض وياي



سوالف ذاك حبنه ،، ليله منهن
بچت وعيوني هجرك ،، ليله منهن
وعلي جياتك اذكر ،، ليله منهن
الفجر طر ودمعتك ذيج هيه

محلفك تگطع ودادك ،، وذامه
ابرگبتك يل كرهت اسمك ،، وذامه
حدي وحدك اليله ،، وَذَا ما
عفتك لانفع لاخير بيه

نزر شادهني موضوعك ،، بدفهم
الضهر وغروك شماتي ،، بدفهم
الهضمني انهزت متونك ،، بدفهم
انطويت گبالهم طويات حيه

ابطبر وبغير رحمه ،، وصلتني
بزعل وبغيض حجيك ،، وصلتني
الصبح حد باب بيتي ،، وصلتني
العصر وتحزمتلي ابغير نيه



آنه البعيون ناسي صبر .. مابيه
وصديجي الما يبيني بعد .. مابيه
احلفلك دليلي دوم .. مابيه
دغش وهل الدغش مو ربع ليه

الك مرات اخف الجدم .. مرتين
يبو شوكَ الذي اعله الريج .. مرتين
غبي كلمن عثر بالحجر .. مرتين
اعثرت مره وهذيج ادروس اليه

رخه احزام الصبر ما فاد .. وحتال
وعلي زور الاوده شهد .. وحتال
غزاني أمن الصبر فركاك .. وحتال
دليلي وحط معسكر شوكَ بيه

كرهته الجنت اكول اعليه .. مكراه
بسبب مكر الثعالب طلع .. مكراه
نخيته اعله النهر يكريه .. مكراه
وتعذر جيفن اجيوبه خليه

وحك البلطلوكَ انتخن .. بسمه
اغش روحي امنريد ابتسم .. بسمه
لون جنحان اليه طرت .. بسمه
وفر أمن الثره الصوب الثريه

كفت ما بعد جمعه .. ولا لام
جووني ولا عتب ينفع.. ولا لام
مُحاله تهيد لجماتي .. ولا لام
أزبنت من كَد فعلهم ذاك بيه

انشدني بشوفتك اختل .. علاماي
وهيمن هيمة الضامي .. علاماي
بشغف ما رف ولك كَلبي .. علاماي
مثل ما رف عليك وخنت بيه

لا فضل دليلي عليك .. لاباد
ولوله اجفاك لا رك حيل .. لاباد
الوجن من يلوج بليل ..لاباد
أعله عله وعلتي فركاك اليه

العلي ثارن تفكَ ربعه .. ورامن
يلوذ ويحتمي ويلبد .. ورامن
الوفه من ينطلب يصبح .. ورامن
الجفه ولا منت الخاين عليه

مشيت وما عرف ماشي .. الى اين
وحمام الدوح يطربني .. الى اين
الصبر ومكابر متاعي .. الى ان
اغادر دنيتي و الصبر بيه

أم أيسه الروح وعله الله .. تكلها
أمن اخوها الجانت اتضنه .. تكلها
اكله مسممه يكلي .. تكلها
الكَمه البيها موتك فخر ليه

ادور بعاصفه غبره ... ويعصار
وزماني يكطع بجبدي .. ويعصار
الدوه الضنيت يشفيني .. ويعصار
عنب جعده طلع لبن الزجيه

منهو البل قياس وياي .. ياقيس
راهب في هوى العذراء .. ياقيس
بالحب للفراضه وياك .. ياقيس
بليله انته ونه بحب الزجيه

لفاني مغضب وشايل .. معاثار
زماني وكام ينصبلي .. معاثار
حد سيفه طبر جبدي .. معاثار
تفكَ ربعي وبيارغ سود ميه

صباحه ولسكَم كلبي .. مسامير
وكضي اليل وي وكتي .. مسامير
حافي امشي وغدت كاعي.. مسامير
همت ومنين اجيب اطياب اليه

حليم الصدك و الطيبه .. بذلها
وغشيم الباع عز نفسه .. بذلها
الحيه الموت ما يجمل .. بذلها
يغرك و اليكتلك راس حيه

الدنيه مدركه بالشر .. مناصل
وغه وتثلمت بيها .. مناصل
عمر الصكر ما يرتد .. مناصل
شرس وقهر ثعابين الوطيه

تعيش اكثر لون بلواك .. متناك
ولا تتنه الذي بالضيج .. متناك
التحب متنه لزوماً يحب .. متناك
ولا حوم اليذل جدام حيه

هاك انضر دليلي وشوف .. شذره
زمانه اليوم غير الملح .. شذره
صبح مثل اليخم بليل ... شذره
بوسط بير وكمر ما بالمسيه

[Bashir al-Khafaji]

عاشت ايديك