نسأل ومنكم اجابه ننتظر
هذا مسلم طاح لوطاح القصر
رايات مسلم تعله
هيهات منا الذله
________________
حادثة مُسلم صفت عبرة ودرس
والنتيجه اليوم من تضحية أمس
الغيم مهما كثر مايحجب شمس
هاي حكمة ومنها لازم نعتبر
________________
رايات مسلم تعله
هيهات منا الذله
________________
مسلم بإيمانه للكوفه دخل
وهوه يعرف ناتج الجيه الأجل
عنده غايه ايريد يوصلها اووصل
مايهمه من تغدره اهل الغدر
________________
رايات مسلم تعله
هيهات منا الذله
________________
هوه مادام الحسين ابداخله
من يجيه الموت يصرخ ياهله
فتحوا ابمفتاح دمه كربله
اوثورة الإصلاح صار إلها جسر
________________
رايات مسلم تعله
هيهات منا الذله
________________
بالقصر مثل الجبل لمن وگف
وابن مرجانه لمن شافه ارتجف
زود مسلم ريح واليمه سعف
والوجوه انگلبت وصارت صفر
________________
رايات مسلم تعله
هيهات منا الذله
________________
من القصر رادو يدفعون الجبل
زلزال أرجاس القصر لمن نزل
وطاح بس خله الإرض بيها خلل
انفطرت وصوب القصر يمشي الفطر
________________
رايات مسلم تعله
هيهات منا الذله
________________
گلبه صار إينول حسن العاقبه
وهذا مسلم الله رافع كوكبه
نشوفه صاير وين وبيا مرتبه
القصر ذاكه ايقبل اجدام الگبر
________________
رايات مسلم تعله
هيهات منا الذله
________________
الشمس تخجل من تعاين گبته
والمناير ذهب تلمع هيبته
وباب للحاجات صارت حضرته
والعسر بعتابها يصبح يسر
________________
رايات مسلم تعله
هيهات منا الذله
________________
جينه وبدمعة حميده انحلفه
وبدماء اولاده ذيچ النازفه
نظره منه انريد نظرة عاطفه
والفرج منه نريده وننتظر
________________
رايات مسلم تعله
هيهات منا الذله
________________
كلمات الشاعر : وسام الشويلي
رد مع اقتباس